బ్రహ్మీకి చిరు హ్యాండు?

ఎంతోకాలంగా చిరంజీవికి సన్నిహితుడుగా మెలిగిన బ్రహ్మానందంకు పీఆర్పీ పార్టీ టిక్కెట్ ఇవ్వకపోవడం అంతటా చర్చనీయాంశమైంది. చిరు పార్టీ పెట్టగానే బ్రహ్మానందం పశ్చిమ గోదావరి జిల్లా అత్తిలి నుంచి అసెంబ్లీకి పోటీ చేసే అవకాశముందంటూ వార్తలు వచ్చాయి. గుంటూరు జిల్లాకు చెందిన బ్రహ్మానందం చాలాకాలం పాటు అత్తిలిలో లెక్చరర్ గా పనిచేశారు. దాంతో గుంటూరు జిల్లా సత్తెన పల్లి నుంచి పోటీ చేద్దానుకుని నిర్ణయించుకుని హామీ తీసుకున్నారు. అప్పటికీ ఒకటి రెండుసార్లు చిరంజీవి పార్టీ పెడితే మద్దతు ఇస్తానని బ్రహ్మానందం బహిరంగంగా ప్రకటించారు.

అలాగే కమెడియన్‌ గా తనకు ప్రేక్షకుల్లో మంచి ఇమేజ్ వుంది కనుక చిరు పార్టీ తరుపున సీటిస్తే లాభిస్తుందనుకున్నారు. అందుకు తగ్గట్లుగా తన పాత పరిచయాలను తిరగతోడుకుంటూ రంగం సిద్దం చేసుకున్నారు. అయితే ప్రజారాజ్యం అభ్యర్దుల జాబితాలో బ్రహ్మానందం పేరులేదు. సత్తెనపల్లి నుంచి బైరా దిలిప్ చక్రవర్తి అనే వ్యక్తికి సీటు కేటాయించటం ఆయన వర్గీయులకు షాక్ అన్పించింది. అయితే ఈ విషయం ముందుగానే బ్రహ్మానందంకు తెలుసునని,ప్రత్యన్మాయ హామీ చిరంజీవి నుంచే పొందాడు..అందుకే సైలెంట్ గా ఉన్నాడని మరో వార్త ప్రచారంలో ఉంది.