చిరంజీవి 152 గ్రాండ్ అప్‌డేట్.. టైటిల్‌పై ఫైనల్ డిసీజన్.. కొరటాల స్కెచ్ అంటే ఇదే మరి!

కొరటాల చేతిలో చిరంజీవి

సామాజిక అంశాలను ఎలివేట్ చేస్తూ రాసుకున్న కథలను సినిమాలుగా మలచడంలో దిట్ట కొరటాల శివ. ఈ నేపథ్యంలోనే ఇప్పటివరకూ ఈ డైరెక్టర్ రూపొందించిన సినిమాలన్నీ సూపర్ డూపర్ హిట్ అయ్యాయి. ప్రస్తుతం అదే కొరటాల శివ చేతిలో చిరంజీవి 152 ప్రాజెక్ట్ పడింది. నిజానికి ఎప్పుడో ప్రారంభం కావాల్సిన ఈ సినిమా వాయిదా పడుతూ వచ్చింది.

ముహూర్తం కుదిరింది.. రెగ్యులర్ షూట్ ఎప్పుడంటే

ఇటీవలే ఈ సినిమా ముహూర్తపు కార్యక్రమాలు జరుపుకుంది. దీంతో ఈ సినిమా రెగ్యులర్ షూట్ ఎప్పుడెప్పుడు ప్రారంభమవుతుందా అని ఆసక్తిగా ఎదురు చూస్తున్నారు మెగా అభిమానులు. అయితే తాజా సమాచారం మేరకు మెగా 152గా రాబోతున్న ఈ సినిమా డిసెంబర్ మొదటి వారంలో రెగ్యులర్ షూట్ మొదలు పెట్టుకోనుందని తెలుస్తోంది.

టైటిల్‌పై ఫైనల్ డిసీజన్

ఇక ఈ సినిమా టైటిల్ విషయమై ఎప్పటినుంచో వార్తల్లో వినిపిస్తున్న పేరు గోవింద ఆచార్య. కానీ ఈ మధ్యకాలంలోనే 'గోవిందా హరి గోవిందా' అనే టైటిల్ తెరపైకి వచ్చింది. అయితే కథ రీత్యా ఇదే టైటిల్ సినిమాకు బాగా యాప్ట్ అవుతుందని భావిస్తున్నారట కొరటాల. ఈ మేరకు 'గోవిందా హరి గోవిందా' టైటిల్‌నే ఫిక్స్ చేశారని తెలుస్తోంది.

కొరటాల స్కెచ్.. అఫీషియల్‌గా ఆ రోజే ప్రకటన

'గోవిందా హరి గోవిందా' టైటిల్ పై ఓ డిసీజన్ తీసుకున్న కొరటాల.. ఇదే టైటిల్ అఫీషియల్‌గా ప్రకటించబోతున్నారని విశ్వసనీయ వర్గాల సమాచారం. రెగ్యులర్ షూటింగ్ ప్రారంభమయ్యే రోజే ఈ టైటిల్ ప్రకటిస్తూ స్పెషల్ పోస్టర్ రిలీజ్ చేయబోతున్నారట కొరటాల.

కథ అంతా దాని చుట్టే.. చిరు కెరీర్‌లోనే స్పెషల్

ఇక ఈ సినిమా కథాంశం దేవాలయాల నేపథ్యంలో ఉండనుందని టాక్. దేవాలయాల్లో జరుగుతున్న అవినీతిని వెలికితీసే ఆఫీసర్‌గా చిరు నటించబోతున్నారట. అందుకే స్టైలిష్ లుక్ కోసం ప్రస్తుతం చిరంజీవి కసరత్తులు చేస్తున్నారని సమాచారం. ఈ సినిమా చిరు కెరీర్ లోనే స్పెషల్ మూవీ కానుందని టాక్ నడుస్తోంది.

Recommended Video

#CineBox : Balakrishna To Play Sr NTR Again? Priyanka Chopra Bought A Lavish House

త్రిష, ఈషా రెబ్బాతో చిరు రొమాన్స్

మరోవైపు ఈ మెగా ప్రాజెక్టులో చిరంజీవి సరసన ఇద్దరు హీరోయిన్లు నటించనున్నారని తెలుస్తోంది. ఈ మేరకు త్రిష, ఈషా రెబ్బాలను ఫైనల్ చేశారని సమాచారం. చిత్రంలో ఈ ఇద్దరితో చిరంజీవి చేసే రొమాంటిక్ సీన్స్ కూడా స్పెషల్ తీరు ఇవ్వనున్నాయట.