మళ్లీ రాజకీయాల్లోకి చిరంజీవి.. పవన్ కల్యాణ్‌కు అండగా మెగాస్టార్.. జనసేన నేత సంచలన ప్రకటన!

పాలిటిక్స్‌కు దూరంగా చిరంజీవి

యూపీఏ ప్రభుత్వంలో కేంద్రమంత్రి బాధ్యతలు నిర్వహించిన చిరంజీవి కాంగ్రెస్ పార్టీతో అంటి ముట్టనట్టు ఉంటూ వస్తున్నారు. రాజకీయాలపై పెద్దగా ఇంట్రెస్ట్ చూపించకుండా వరుసగా సినిమాలతో ముందుకెళ్తున్నారు. ఖైదీ నంబర్ 150, సైరా చిత్రాలు బ్లాక్‌బస్టర్లుగా నిలువడంతో మళ్లీ టాలీవుడ్‌లో మెగాస్టార్ హవా మళ్లీ మొదలైంది.

సైరా తర్వాత వరుస సినిమాలు

సైరా తర్వాత ఆచార్యతో చిరంజీవి దూకుడు ప్రదర్శిస్తున్న నేపథ్యంలో లాక్‌డౌన్ మెగాస్టార్‌‌ జోష్‌కు బ్రేక్ వేసింది. అయితే లాక్‌డౌన్‌లో వరుసగా మరో మూడు సినిమాలకు గ్రీన్ సిగ్నల్ ఇవ్వడం మెగాస్టార్ తన ఉద్దేశాలను అభిమానులకు సంకేతాలు పంపారు.

జనసేనలో కీలక పాత్ర అంటూ

ఇలా చిరంజీవి వరుస సినిమాలతో దూసుకెళ్తున్న సమయంలో త్వరలోనే జనసేనలో చిరంజీవి కీలక పాత్రను పోషించబోతున్నారు. త్వరలోనే పవన్ వెంట చిరంజీవి నడువబోతున్నారు. పవన్‌కు అండగా నిలువబోతున్నారు అంటూ తాజాగా నాదెండ్ల కామెంట్ చేశారు. దాంతో జనసేన, మెగా అభిమానుల్లో ఆనందం నెలకొన్నది. పెద్ద ఎత్తున మెగా అభిమానులు స్వాగతిస్తున్నారు.

తిరుపతి ఉప ఎన్నిక నేపథ్యంలో

ఏపీలో తిరుపతి ఉప ఎన్నిక, గ్రామ పంచాయితీ ఎన్నికల జరుగనున్న నేపథ్యంలో నాదెండ్ల మనోహర్ వ్యాఖ్యల అనంతరం చిరంజీవి రాజకీయ పున: ప్రవేశంపై ఊహగానాలు మొదలయ్యాయి. చిరంజీవి రాజకీయ ప్రవేశంపై సంకేతాలిస్తూ నాదెండ్ల వ్యూహాత్మకంగా మాట్లాడటం ఇప్పుడు సినీ, రాజకీయ వర్గాల్లో హాట్ టాపిక్‌గా మారింది.

Recommended Video

Acharya Teaser On Jan 29 : Meme Makers గా మారిన మెగా హీరోలు | Chiranjeevi | Ram Charan

పరోక్షంగానా? ప్రత్యక్షంగానా?

గత కొద్ది సంవత్సరాలు పాలిటిక్స్ దూరంగా ఉంటున్న చిరంజీవి నిజంగానే క్రీయాశీలకంగా మారుతారా? లేక పరోక్షంగా జనసేనకు మద్దతిస్తారా? అనే ప్రశ్నలు ఇప్పుడు చర్చనీయాంశమైంది. అయితే నాదెండ్ల వ్యాఖ్యలపై చిరంజీవి, పవన్ కల్యాణ్ ఎలా స్పందిస్తారనే ఇప్పుడు ఆసక్తికరమైన పాయింట్‌గా మారింది.