Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
షాకిస్తున్న చిరంజీవి లేటెస్ట్ లుక్.. వైరల్ పిక్.. రివీల్ చేసిన ఉపాసన
మెగాస్టార్ చిరంజీవి లేటెస్ట్ లుక్ ప్రస్తుతం సోషల్ మీడియాలో వైరల్ అవుతోంది. ఇటీవలే సైరా షూటింగ్ కంప్లీట్ చేసుకొని కొరటాల శివ సినిమా కోసం రెడీ అవుతున్న మెగాస్టార్ చిరంజీవి షాకిచ్చే లుక్లో దర్శనమిచ్చాడు. ఉపాసన బీ పాజిటివ్ మ్యాగజైన్ కవర్ పేజీగా చిరు లేటెస్ట్ లుక్ ఉంచారు. ఈ లుక్ని సోషల్ మీడియా వేదికగా పంచుకున్న ఉపాసన తన సంతోషాన్ని వ్యక్తం చేసింది.
ఆరోగ్యమే మహాభాగ్యం అంటూ ఉపాసన
ఆరోగ్యమే మహాభాగ్యం అని భావించే మెగా కోడలు, రామ చరణ్ సతీమణి ఉపాసన ఫిట్నెస్, హెల్త్కు సంబంధించి 'బీ పాజిటివ్' అనే మ్యాగజైన్ను కూడా నడిపిస్తోంది. ఇందులో ఎప్పుడూ ఆరోగ్యంగా ఉండే సెలబ్రిటీల ఇంటర్వ్యూలను పబ్లిష్ చేస్తూ పాఠకుల్లో స్ఫూర్తి నింపుతోంది. ఇందులో భాగంగా తాజాగా చిరంజీవి లేటెస్ట్ లుక్ పబ్లిష్ చేసి అందరినీ ఆశ్చర్యపరిచింది.
సరికొత్త యంగ్ లుక్.. కుర్ర హీరోలు ఈర్ష పడేలా
సీనియర్ హీరోగా తెలుగు ఇండస్ట్రీని ఏలుతున్న చిరంజీవి ఈ లుక్లో కుర్ర హీరోలకే ఈర్ష కలిగేలా ఉన్నాడు. స్లిమ్ లుక్లో వెరీ డీసెంట్ గా కనిపిస్తున్న చిరంజీవి వయసు ఏ మాత్రం బయటపడటం లేదు. 30 ఏళ్ల క్రిందట చిరు ఎలా ఉన్నదో అచ్చం అలాగే యంగ్ లుక్లో కనిపిస్తున్న చిరంజీవిని చూసి షాకవుతున్నారు ప్రేక్షకులు.
|
కొరటాల శివ సినిమా కోసమేనా..
మెగాస్టార్ తన 152 వ సినిమాగా కొరటాల శివ దర్శకత్వంలో కొత్త సినిమా చేయనున్నాడు. ఈ సినిమా చిరు బర్త్ డే సందర్బంగా ఆగస్టు 22న ప్రారంభం కానుందని తెలుస్తోంది. ఈ సినిమాలో చిరు స్లిమ్లో కనిపించనున్నాడని, ఆ మేరకు కసరత్తులు చేస్తున్నాడని వార్తలు వచ్చాయి. తాజాగా కనిపించిన ఆయన స్లిమ్ లుక్.. ఆ వార్తలు నిజమే అని తేల్చేశాయి.
సైరా నరసింహా రెడ్డి మూవీ
తొలితరం స్వాతంత్ర సమరయోధుడు ఉయ్యాలవాడ నరసింహా రెడ్డి జీవితకథ ఆధారంగా రామ్ చరణ్ నిర్మాణంలో సైరా నరసింహా రెడ్డి మూవీ తెరకెక్కుతోంది. మేజర్ పార్ట్ షూటింగ్ ఫినిష్ చేసుకున్న ఈ సినిమా అక్టోబర్ 2వ తేదీన విడుదలకు సిద్ధమైంది. ఈ సినిమాలో చిరు సరసన నయనతార హీరోయిన్గా నటిస్తుండగా.. విజయ్ సేతుపతి, అమితాబ్ బచ్చన్, కిచ్చ సుదీప్, జగపతి బాబు కీలక పాత్రలు పోషిస్తున్నారు.