వేధింపులు తాళలేక... పోలీస్ స్టేషన్ మెట్లెక్కిన చిరంజీవి చిన్నల్లుడు!

ఇన్‌స్టాగ్రామ్ ద్వారా

సోషల్ మీడియా ద్వారా తనకు ఈ వేధింపులు ఎదురవుతున్నట్లు కళ్యాణ్ దేవ్ పోలీసులకు తెలిపారు. తన ఇన్‌స్టాగ్రామ్ అకౌంట్లోని ఫోటో కింద కామెంట్స్ బాక్సులో అసభ్యమైన పదజాలం ఉపయోగించి తిడుతున్నారని, వారిపై తగిన చర్యలు తీసుకోవాలని కళ్యాణ్ దేవ్ ఫిర్యాదు చేశారు.

అరెస్ట్ దిశగా పోలీసుల చర్యలు

కళ్యాణ్ దేవ్ మీద అసభ్యమైన కామెంట్లు చేస్తూ వేధింపులకు పాల్పడిన వారి వివరాలు పోలీసులు సేకరిస్తున్నారు. ఈ మేరకు ఇన్‌స్టాగ్రామ్ సంస్థకు పోలీసులు నోటీలు పంపారు. కామెంట్లు చేసిన వారి వివరాలు సేకరించే ప్రయత్నంలో ఉన్నారు. త్వరలోనే వారిని అరెస్ట్ చేసే దిశగా చర్యలు మొదలు పెట్టారు.

యాంటీ మెగా అభిమానుల పనే...

కళ్యాణ్ దేవ్‌పై నీచమైన కామెంట్లు చేస్తున్నది యాంటీ మెగా ఫ్యాన్సే అయి ఉంటారని భావిస్తున్నారు. కొందరు తన పర్సనల్ లైఫ్ మీద నీచమైన కామెంట్లు చేస్తుండటంతో కళ్యాణ్ దేవ్ చాలా హర్ట్ అయినట్లు తెలుస్తోంది. శ్రీజతో వివాహం తర్వాత హ్యాపీ లైఫ్ లీడ్ చేస్తున్న కళ్యాణ్ దేవ్‌ ఈ వ్యవహారంతో చాలా డిస్ట్రబ్ అయినట్లు తెలుస్తోంది.

కళ్యాణ్ దేవ్

మెగా ఫ్యామిలీ వారసత్వంతో ‘విజేత' అనే సినిమా ద్వారా తెరంగ్రేటం చేసిన కళ్యాణ్ దేవ్... సెలక్టివ్‌గా కథలు ఎంచుకుంటూ ముందుకు సాగుతున్నారు. ప్రస్తుతం కథలు వింటున్నారు. త్వరలోనే మరో మూవీతో ప్రేక్షకుల ముందుకు వచ్చే అవకాశం ఉంది. చిరంజీవి ఫ్యామిలీలో బాగా కలిసి పోయిన దేవ్... ఇటీవల ఎన్నికల సమయంలో ‘జనసేన' పార్టీకి మద్దతుగా ప్రచారం చేశారు.