బన్నీని సర్‌ప్రైజ్ చేసిన మెగాస్టార్.. అందరికి ఆశ్చర్యం!

తిరుగులేని విజయాలతో

అల్లు అర్జున్ కెరీర్ పరంగా ప్రస్తుతం సూపర్ ఫామ్ లో ఉన్నాడు. వరుస విజయాలతో దూసుకుపోతున్నాడు. సరైనోడు, డీజే వంటి హిట్స్ బన్నీకి ఇటీవల దక్కాయి. అల్లు అర్జున్ ప్రస్తుతం వక్కంతం వంశి దర్శకత్వంలో నా పేరు సూర్య చిత్రంలో నటిస్తున్న సంగతి తెలిసిందే.

బన్నీ తొలిసారిగా

అల్లు అర్జున్ తన కెరీర్ లో తొలిసారి ఆర్మీ అధికారి పాత్రలో కనిపించబోతున్నాడు. ఈ చిత్రం దేశభక్తి కథాంశంతో రూపొందబోతోంది. ఫస్ట్ ఇంపాక్ట్ పేరుతో విడుదలైన టీజర్, ఇటీవల విడుదలైన డైలాగ్ టీజర్ కు అద్భుతమైన రెస్పాన్స్ వచ్చిన సంగతి తెలిసిందే.

భారీ అంచనాలు

నా పేరు సూర్య చిత్రం భారీ అంచనాలు నెలకొని ఉన్నాయి. బన్నీ ఈ చిత్రంలో మిలటరీ అధికారిగా సరికొత్త లుక్ లో కనిపిస్తున్నాడు. మే 4 న నా పేరు సూర్య చిత్రం ప్రపంచ వ్యాప్తంగా విడుదలకు సిద్ధం అవుతోంది.

అను ఇమ్మాన్యుయేల్‌తో రొమాన్స్

ఈ చిత్రంలో బన్నీ సరసన అను ఇమ్మాన్యుయేల్ హీరోయిన్ గా నటిస్తోంది. భారీ ఆశలు పెట్టుకున్న అజ్ఞాతవాసి చిత్రం పరాజయం చెందడంతో అను బన్నీ చిత్రాన్ని నమ్ముకుని ఉంది.

బన్నీని సర్‌ప్రైజ్ చేసిన మెగాస్టార్

మెగాస్టార్ చిరంజీవి ఆదివారం రోజున అల్లు అర్జున్ ని సర్ ప్రైజ్ చేశాడు. నా పేరు సూర్య సెట్స్ కి వెళ్లి అందరిని ఆశ్చర్యంలో ముంచెత్తాడు. మెగాస్టార్ రాకతో చిత్ర యూనిట్ మొత్తం సంతోషం వ్యక్తం చేసింది. మెగాస్టార్ విజిట్ కు సంబంధించిన ఫొటో ప్రస్తుతం సోషల్ మీడియాలో చక్కర్లు కొడుతోంది.

ఆశ్చర్యంలో అంతా

ఊహించని విధంగా మెగాస్టార్ రావడంతో చిత్రయూనిట్ సంతోషంలో మునిగిపోయింది. దాదాపు అర్థ గంట పాటు చిరంజీవి నా పేరు సూర్య చిత్ర సెట్ లో గడిపారట. బన్నీ, దర్శకుడు వంశీ, చిత్ర యూనిట్ కు శుభాకాంక్షలు తెలియజేసినట్లు తెలుస్తోంది.