Don't Miss!
- News మోదీని ప్రధానిని చెయ్యండి.. తెలంగాణాలో ముస్లిం రిజర్వేషన్లు రద్దు చేస్తాం: అమిత్ షా
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Sports KKR Playing XI: రూ. 24.75 కోట్ల ఆటగాడిపై వేటు! పంజాబ్తో తలపడే కేకేఆర్ తుది జట్టు ఇదే!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఏపీ ప్రభుత్వం సినిమా రిస్టార్ట్ ప్యాకేజీ: సీఎం జగన్కు చిరంజీవి కృతజ్ఞతలు
కరోనా వైరస్ ప్రభావంతో ప్రపంచం మొత్తం విలవిల్లాడింది. ఇండియాలో లాక్డౌన్ కారణంగా చాలా పరిశ్రమలు మూతపడిపోయాయి. అందులో సినీ పరిశ్రమ కూడా ఉంది. దాదాపు ఎనిమిది నెలల పాటు షూటింగులు ఆగిపోయాయి. దీంతో చాలా మంది నిర్మాతలు నష్టాలను ఎదుర్కొన్నారు. అదే సమయంలో సినిమా థియేటర్లు కూడా క్లోజ్ అయిపోయాయి. దీని వల్ల సినిమా హాళ్ల యాజమాన్యలకు తీవ్ర స్థాయిలో నష్టం వాటిల్లింది. దీని వల్ల ప్రభుత్వాల నుంచి పర్మీషన్లు వచ్చినా థియేటర్లను పున: ప్రారంభించలేని పరిస్థితి ఏర్పడింది. కొన్నైతే శాశ్వతంగా మూతపడ్డాయి.
కరోనా కారణంగా నష్టాలను ఎదుర్కొంటోన్న సినీ పరిశ్రమను ఆదుకునేందుకు ఆంధ్రప్రదేశ్ ప్రభుత్వం ముందుకొచ్చింది. తాజాగా జరిగిన కేబినెట్ మీటింగ్లో ఇండస్ట్రీ కోసం రీస్టార్ట్ ప్యాకేజీని ప్రకటించారు. ఇందులో భాగంగా 3 నెలలపాటు థియేటర్లు చెల్లించాల్సిన ఫిక్స్డ్ ఎలక్ట్రిసిటీ ఛార్జీలు రద్దు చేస్తున్నట్లు ప్రభుత్వం ప్రకటించింది. అంతేకాదు, దీని ద్వారా నెలకు రూ.3 కోట్ల రూపాయల చొప్పున ప్రభుత్వం భరించనుంది. రాష్ట్రవ్యాప్తంగా ఉన్న 1100 థియేటర్లకు లబ్ధి చేకూరనుంది. అంతేకాదు, థియేటర్ యాజమాన్యాలకు వర్కింగ్ క్యాపిటల్ రుణాలు కూడా ప్రకటించింది.
సినీ పరిశ్రమను ఆదుకునేందుకు ముందుకొచ్చిన ఆంధ్రప్రదేశ్ ప్రభుత్వం, ఏపీ సీఎం వైఎస్ జగన్మోహన్ రెడ్డికి సీనియర్ హీరో మెగాస్టార్ చిరంజీవి ధన్యవాదాలు తెలియజేశారు. ఈ మేరకు తన ట్విట్టర్ ఖాతాలో 'కరోనా సమయంలో నష్టపోయిన ఎగ్జిబిటర్స్ కోసం సినిమా రిసార్ట్ ప్యాకేజీని ప్రకటించిన ఏపీ సీఎం వైఎస్ జగన్కు నా హృదయ పూర్వక ధన్యవాదాలు. సినిమా థియేటర్ల పునరుద్దరణ కోసం అనేక చర్యలు చేపట్టాలి. సినిమా పరిశ్రమ మీద వేలాది మంది కుటుంబ సభ్యులు ఆధారపడి జీవనం కొనసాగిస్తున్నారు. దీని ద్వారా వారికి జీవనోపాధి లభిస్తుంది' అని ఆయన పోస్ట్ చేశారు.