విశాఖలో చిరంజీవి సినీ స్టూడియో: మంత్రి గంటా

By Pratap

| Published: Monday, October 22, 2012, 17:10 [IST]

విశాఖపట్నం: కాంగ్రెసు రాజ్యసభ సభ్యుడు మెగాస్టార్ చిరంజీవి విశాఖపట్నంలో సినీ స్టూడియోను ఏర్పాైటు చేయనున్నారు. రాష్ట్ర మంత్రి గంటా శ్రీనివాస రావు సోమవారం మీడియా ప్రతినిధులతో ఈ విషయం చెప్పారు. ప్రకృతి సోయగాలకు, పారిశ్రామికాభివృద్ధికి ఆలవాలమైన విశాఖపట్నం తెలుగు సినీ పరిశ్రమకు ప్రధాన కేంద్రమవుతుందని ఆయన అన్నారు.

కొత్త స్టూడియోల నిర్మాణానికి తెలంగాణ జిల్లాల్లో అడ్డంకులు ఏర్పడుతున్న నేపథ్యంలో విశాఖలో స్టూడియోలు నిర్మించేందుకు సినీ ప్రముఖులు సన్నాహాలు చేసుకుంటున్నారని చెప్పారు. ఇప్పటికే పలువురు సినీ ప్రముఖులు స్టూడియోల నిర్మాణాలకు అనుమతులు కోరారని మంత్రి చెప్పారు. చిరంజీవి కూడా ఓ స్టూడియోను ప్రారంభిస్తారని ఆయన చెప్పారు.

విశాఖపట్నం జిల్లాలోని ప్రకృతిసిద్ధమైన అందాలు సినిమాల షూటింగులకు ఎంతో తోడ్పడతాయని అన్నారు. సినీ పరిశ్రమకు అవసరమైన మౌలిక సదుపాయాలు కల్పించేందుకు తమ ప్రభుత్వం సిద్ధంగా ఉందని చెప్పారు.

విశాఖపట్నంలో ఇప్పటికే పలువురు సినీ ప్రముఖులు పెద్ద యెత్తున భూములు కొనుగోలు చేసినట్లు సమాచారం. విశాఖపట్నం సముద్రతీరం, అరకులోయ, భిమిలీ తదితర ప్రాంతాలు సినిమా షూటింగులకు పనికి వస్తాయని భావిస్తున్నారు. విశాఖపట్నంలో ఇప్పటికే పెద్ద యెత్తున అవుట్ డోర్ షూటింగులు జరుగుతున్నాయి.

Comments

English summary

 Minister Ghanta Srinivas Rao saif that Rajyasabha member megastar chiranjeevi will construct a film studio at Visakhapatnam. He said that film persobalities are seeking permission to establish cine studios at Visakhapatnam.

Story first published: Monday, October 22, 2012, 17:10 [IST]

Other articles published on Oct 22, 2012