సజ్జనార్ చేతిలో ఆయుధం అంటే వామ్మో.. నవ్వుల పంట పండిచిన చిరంజీవి

ప్లాస్మా దాతలకు సరైన సమాచారం.

కరోనా పేషెంట్లకు ప్లాస్మా అవసరం ఎక్కువగా ఉంటుంది. అలాంటి సమయంలో ప్లాస్మా ఎక్కడ లభ్యమవుతుంది. ప్లాస్మా కోసం ఎవరిని సంప్రదించాలనే పరిస్థితుల్లో సోసైటీ ఫర్ సైబరాబాద్ సెక్యూరిటీ కంట్రోల్ (SCSC), సైబరాబాద్ పోలీసులు సంయుక్తంగా donateplasma.scsc.in అనే వెబ్‌సైట్‌ను అందుబాటులోకి తెచ్చారు. ప్లాస్మా అవసరమైన వాళ్లు, ప్లాస్మాదాతలు కూడా తమ పేర్లను నమోదు చేసుకొనే విధంగా వెసలుబాటును కల్పించారు.

సైబరాబాద్ పోలీసుల అధ్వర్యంలో

సోసైటీ ఫర్ సైబరాబాద్ సెక్యూరిటీ కంట్రోల్ ఏర్పాటు చేసిన donateplasma.scsc.in వెబ్‌సైట్‌కు మంచి ఆదరణ లభిస్తున్నది. దాతలు, గ్రహీతల నుంచి మంచి రెస్పాన్స్ వస్తున్నది. ఈ క్రమంలో దాతలను చిరంజీవి చేతుల మీదుగా సన్మానించారు. ఈ సందర్భంగా చిరంజీవి మాట్లాడుతూ ప్లాస్మా దాతలను కొనియాడారు.

సీపీ సజ్జనార్‌ కోరితే నేను..

ప్లాస్మా దాతలకు స్ఫూర్తినిచ్చేలా ఓ సందేశం ఇవ్వాలని సీపీ సజ్జనార్ నన్ను కోరారు. ఇలాంటి కార్యక్రమంలో మాట్లాడి దాతలకు స్పూర్తినిచ్చేలా.. అలాగే నా మాటల విని ఆచరించేలా చేసేందుకు ఆయనతో ఈ వేదికను పంచుకోవడం ఆనందంగా ఉంది. తెల్ల రక్తకణాల్లో ప్లాస్మా కణాలు ఉంటాయి. వాటిని రోగికి ఇస్తే వారిలో రోగ నిరోధక శక్తి పెరుగుతుంది అని అని చిరంజీవి తెలిపారు.

నా ఇంటిలో నలుగురికి కరోనా

తన ఇంటిలో నలుగురికి కరోనా సోకిన విషయాన్ని హాస్యభరితంగా చెప్పుతూనే జాగ్రత్తలు పాటించకపోతే ఇలాంటి కష్టాలు అనుభవిస్తారనే విషయాన్ని చిరంజీవి వెల్లడించారు. తన ఇంటిలో పనిచేసే పని మనుషులు కూడా కరోనా బారిన పడ్డారు. వారిని క్వారంటైన్‌లో పెట్టి చికిత్స అందించాం. ఇప్పుడు వారంతా కోలుకొన్నారు అని చిరంజీవి పేర్కొన్నారు.

ప్లాస్మా డొనేషన్ ప్రొగ్రాంను యజ్ఞంలా

ఇక ప్లాస్మా డోనేషన్ కార్యక్రమాన్ని సజ్జనార్ గారు ఓ యజ్ఞంలా నిర్వహిస్తున్నారు. అందుకు మనమంతా ఆయనను కరతాళ ధ్వనులతో అభినందించాలి అని చిరంజీవి అన్నారు. ఆయనతో నాకు పరిచయం ఎక్కువ లేదు. నా గురించి ఆయనకు.. ఆయన గురించి నాకు చాలా తెలుసు. ఆయన నన్ను ఈ కార్యక్రమానికి ఆహ్వానించడం నిజంగా ఆనందంగా ఉంది అన్నారు.

Recommended Video

Pawan Kalyan, Chiranjeevi, Bandla Ganesh Green India Challenge

సజ్జనార్ నన్ను ఆయుధంలా అంటూ

సైబరాబాద్ పోలీస్ కమిషనర్ సజ్జనార్ గారు ఇంక ముందు ఏ కార్యక్రమం ప్రారంభించిన నన్ను పిలుస్తే తప్పకుండా హాజరవుతాను. పది మందికి ఉపయోగపడే ఎలాంటి కార్యక్రమాలకు నన్ను ఓ వెపన్ (ఆయుధం)లా ఉపయోగించుకోవాలి. ఆయన చేతిలో వెపన్ అంటే కొంచెం అని చిరంజీవి అనగానే నవ్వులతో మునిగిపోయారు. తమ ప్రచార కార్యక్రమాలకు నన్ను సాధనంగా ఉయోగించుకొన్నందుకు మీకు రుణపడి ఉంటాను అని సజ్జనార్‌తో చిరంజీవి అన్నారు. ప్రస్తుతం చిరంజీవి స్పీచ్ ఇంటర్నెట్ మాధ్యమాల్లో, యూట్యూబ్‌లో వైరల్‌గా మారింది.