సీఎం జగన్‌తో చిరు భేటీ.. లాక్‌డౌన్ అనంతరం చర్చలు.. ఆ అంశాలపైనే ఫోకస్

సానుకూలంగా స్పందించిన కేసీఆర్..

సినీ పరిశ్రమ తరుపున చిరంజీవితో పాటు కొందరు పెద్దలు కూడా కేసీఆర్‌తో భేటీ అయ్యారు. చిత్రసీమ ఎదుర్కొంటున్న సమస్యలను తెలియజేశారు. ఈ మేరకు కేసీఆర్ కూడా సానుకూలంగా స్పందించారు. వెంటనే షూటింగ్‌లకు అనుమతి ఇచ్చారు. థియేటర్స్ రీ ఓపెన్ అంశంపై త్వరలోనే నిర్ణయం తీసుకుంటామని ప్రకటించారు.

ధన్యవాదాలు తెలిపినచిరు..

కేసీఆర్‌తో భేటీ అనంతరం చిరు ట్వీట్ చేస్తూ.. ‘తెలంగాణ ముఖ్యమంత్రి శ్రీ కెసిఆర్ గారికి పరిశ్రమలోని యావన్మంది తరుపున కృతఙ్ఞతలు. ఈ రోజు వారు సినిమా, టీవీ, డిజిటల్ మీడియా కి సంబంధించిన సమస్యలు సానుకూలంగా విని, వేలాదిమంది దినసరి వేతన కార్మికులకు ఊరట కలిగేలా త్వరలో నిర్ణయం తీసుకుంటామని చెప్పారు. వినోద పరిశ్రమ పునఃప్రారంభించే విధి విధానాలు త్వరలోనే ప్రభుత్వం రూపొందించి, అందరికి మేలు కలిగేలా చూస్తుందని హామీ ఇచ్చారు' అని పేర్కొన్నాడు.

సీఎం జగన్‌తో భేటీ..

చిరంజీవి తాజాగా ట్వీట్ చేస్తూ.. ‘ఆంధ్రప్రదేశ్ ముఖ్యమంత్రి వైఎస్ జగన్ గారు సినీ పరిశ్రమకి మేలు కలిగే నిర్ణయాలతో పాటు సింగల్ విండో అనుమతుల జీవో విడుదల చేసినందుకు పరిశ్రమ తరుపున వారికి కృతజ్ఞతలు ఫోన్ ద్వారా తెలియచేసాను. లాక్ డౌన్ ముగిసిన తరువాత పరిశ్రమ సమస్యలపై చర్చించేందుకు కలుద్దామని చెప్పారు. అన్ని విభాగాల నుంచి ప్రతినిధులతో త్వరలోనే వారిని కలవటం జరుగుతుంది' అని ప్రకటించారు.

Recommended Video

Chiranjeevi Had A Meeting With Talasani Srinivas Yadav About TFI Future Plans

ఆ అంశాలపైనే ఫోకస్..

జగన్‌తో భేటిలో ముఖ్యంగా సినిమా షూటింగ్‌లకు అనుమతితో పాటు నంది అవార్డుల విషయం చర్చకు రానుందని తెలుస్తుంది. అంతేకాదు సినిమా థియేటర్స్ ఓపెనింగ్.. కార్మికుల జీత భత్యాలతో పాటు రాయితీలు, ప్రోత్సాహకాలపై కూడా చర్చించనున్నట్లు వార్తలు వినిపిస్తున్నాయి. మరీ ముఖ్యంగా టాలీవుడ్‌ను ఏపీకి షిఫ్ట్ చేసే ఆలోచన కూడా ఈ భేటిలో ఉండబోతుందని తెలుస్తోంది.