అప్పుడలా ఇప్పుడలా.. చిరంజీవికి ఏమైంది.. రామ జోగయ్య శాస్త్రికి షాక్!

సోషల్ మీడియాలో యాక్టివ్..

చిరంజీవి సోషల్ మీడియాను ఎలా వాడేస్తుంటాడో అందరికీ తెలిసిందే. చిరు వేసే సెటైర్లు, కౌంటర్లకు ట్విట్టర్‌లో సపరేట్ క్రేజ్ ఉంటుంది. ట్విట్టర్‌లోకి గతేడాది ఉగాది సందర్భంగా చిరు అడుగుపెట్టేశాడు. అప్పటి నుంచి ఇప్పటి వరకు దడదడలాడిస్తూనే ఉన్నాడు.

ఫాలోవర్ల విషయంలో..

చిరంజీవి ట్విట్టర్‌లో భారీగానే ఫాలో అవుతున్నారు. ఇంకొన్ని రోజుల్లో చిరు మిలియన్ మార్క్‌ను చేరుకోబోతోన్నాడు. అయితే చిరును ఫాలో అయ్యే వారి సంఖ్య రోజురోజుకూ పెరుగుతూనే వస్తోంది. కానీ చిరంజీవి ఫాలో అయ్యే వారి సంఖ్యలోనే అందరికీ తేడా కొడుతోంది.

అప్పుడు అలా..

గతంలో ఓ సారి చిరంజీవి రామ్ చరణ్‌ను మాత్రమే ఫాలో అయ్యే వాడు. ఫాలోవర్ల సంఖ్య ఒకటిగా చూపిస్తూ.. అందులో రామ్ చరణ్ మాత్రం ఉండేవాడు. మధ్యలో ఏమైందో ఏమో గానీ రామ్ చరణ్‌ను కూడా అన్ ఫాలో అయ్యాడు. అలా ఫాలోవర్ల సంఖ్య జీరోగా మారింది.

తాజాగా ఇలా..

తాజాగా మళ్లీ చిరంజీవి ఫాలోవర్ల సంఖ్య ఒకటిగా మారింది. అందులో ఈ సారి రామ జోగయ్యా శాస్త్రి పేరు ఉంది. ఇలా చిరంజీవి ఫాలో అయ్యే ఏకైక వ్యక్తిగా రామ జోగయ్యా శాస్త్రి నిలిచారంటూ నెటిజన్లు ప్రశంసించారు. వాటికి రామ జోగయ్యశాస్త్రి కూడా స్పందించాడు. ఎప్పటికీ రుణ పడి ఉంటాను.. కొండంత సంతోషంగా ఉన్నాను అని ఎమోషనల్ అయ్యాడు.

మళ్లీ అన్ ఫాలో..

తాజాగా చిరంజీవి ఫాలోవర్ల సంఖ్య మళ్లీ జీరోకు వచ్చింది. రామ జోగయ్య శాస్త్రిని అన్ ఫాలో అయ్యాడు. నిన్న వార్తలు వైరల్ అవ్వడం ఈరోజు ఇలా అన్ ఫాలో అవ్వడంతో అందరూ అర్థం కాక జుట్టు పీక్కుంటున్నారు. ఇది చిరంజీవి చేశాడా? లేదా ఆయన టీం చేస్తోందా? అని అందరూ అనుమానాలు వ్యక్తం చేస్తున్నారు. మొత్తానికి తనను మాత్రమే ఫాలో అవుతున్నాడని రామ జోగయ్యా శాస్త్రి సంతోషించే లోపే ఇలా షాక్ తగిలింది.