Don't Miss!
- News ఎల్లుండే వైసీపీలోకి యనమల ? చర్చలు పూర్తి..!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
పవన్ 'పంజా'పై చిరంజీవి కామెంట్
పవన్ కళ్యాణ్ తాజా చిత్రం పంజా గురించి చిరంజీవి మీడియాతో మాట్లాడారు. ఆయన తన సోదరుడు పవన్ కి గుడ్ లక్ చెప్తూ..ఈ చిత్రం ట్రైలర్స్ చూసాను చాలా స్టైలిష్ గా బాగున్నాయి. ఇప్పటివరకూ నేనూ ఇంకా సినిమా చూడలేదు..కానీ సినిమా చాలా స్టైలిష్ గా తెరకెక్కిందని విన్నాను. పవన్ ఎప్పుడూ లేనంతగా ఈ సినిమాలో కనపడుతున్నాడు అన్నారు. ఇక పంజా చిత్రం ఈ నెల తొమ్మిదిన విడుదల అవుతోంది. ఇక ఈ మధ్యన పవన్ కీ, చిరంజీవి కి చెడిందన్న నేపధ్యంలో ఈ వ్యాఖ్యలకు ప్రాధ్యాన్యత లభించింది. పంజా ఆడియోకి చిరు గానీ,ఆయన కుటుంబం కానీ రాకపోవటం మీడియాలో అప్పుడు చర్చనీయాంసమైంది. చిరంజీవి కాంగ్రేస్ తో కలవటం ఇష్టం లేని పవన్ కల్యాణ్ ఆయనతో సరిగ్గా ఉండటం లేదని, దాంతో ఇద్దరి మధ్యా విభేదాలు వచ్చాయని,అందుకే చిరంజీవి రాలేదని ఊహాగానాలు మీడియాలో వచ్చాయి.
ఆ తర్వాత నాగబాబు, రామ్ చరణ్, అల్లు అర్జున్ విడి విడిగా వచ్చి తమ కుటుంబంలో ఏమీ లేవని చెప్పినా ఎవరూ నమ్మలేదు. అయితే చిరంజీవి అప్పుడేమీ నోరు విప్పలేదు. ఇన్ని రోజులు తర్వాత పంజా చిత్రం విజయవంతం అవ్వాలని ఆశిస్తూ ఆయన మీడియా ముందు తన సోదురుడుపై ప్రేమను బహిర్గతం చేసారు. ఇక పంజా చిత్రంని ప్రముఖ తమిళ దర్శకుడు విష్ణువర్దన్ తెరకెక్కించారు. గతంలో విష్ణువర్దన్ డైరక్ట్ చేసిన భిళ్లా చిత్రం స్టైలిష్ ఎంటర్టైనర్ అని పేరు తెచ్చుకుంది. అలాగే ఈ చిత్రం కూడా హిట్టవుతుందని అభిమానులు ఆశిస్తున్నారు. ఇప్పటికే ఈ చిత్రం పాటలు హిట్టై, చిత్రంపై మంచి క్రేజ్ ని క్రియేట్ చేసాయి.