చరణ్ స్పీడు కోసం నేను..చిరు

By Staff

Published: Thursday, February 26, 2009, 16:42 [IST]

'బంగారు కోడి పెట్ట వచ్చెనండి...హె పాప...హె...పాపా' అనే పాటకి తన కుమారుడు రామ్ చరణ్ తో కలసి చిరంజీవి స్టెప్పులు వేసిన సంగతి తెలిసిందే. ఈ మద్యన ఒకరు చిరంజీవితో ఈ పాట కోసం రామ్ చరణ్...మీ స్పీడు అందుకోవటానికి ఏమన్నా ప్రత్యేకంగా ప్రిపేర్ అయ్యారా అని అడిగితే...చిరు నవ్వి..అదేంలేదు..నేనే వాడి స్పీడు అందుకోవటానికి ప్రత్యేకంగా ప్రిపేర్ అయ్యా..హార్డ్ వర్క్ చేసా అన్నారు. ఇది విన్న వారు ఎంతైనా కొడుకంటే...తండ్రికి ప్రేమే కదా..నిజంగా కొడుకు కన్నా గొప్పగా డాన్స్ చేసినా ఎలా ఒప్పుకుంటారు అంటున్నారు. అయితే ఈ బిట్ తెరమీద కొన్ని సెకెన్లు పాటు మాత్రమే వస్తుంది. అయితే విపరీతమైన రెస్పాన్స్ వచ్చే అవకాశముందని అంటున్నారు.

ఇక ఆ పాట అప్పట్లో 'ఘరానామొగుడు' చిత్రం కోసం చిరంజీవి మీద చిత్రీకరించారు. ఇప్పుడా పాటా రీమిక్స్ దర్శనమివ్వబోతోంది.అంటే తండ్రి వేసిన స్టెప్స్ కి కొడుకు మళ్ళీ స్టెప్స్ వేయబోతున్నాడు. రాజమౌళి ఈ చిత్రానికి దర్శకుడు. దానికి కీరవాణి సంగీతం అందిస్తున్నాడు. అప్పట్లో పెద్ద హిట్టయిన ఈ సాంగ్ లో డిస్కో శాంతి బంగారు కోడిపెట్టగా అందాలు పరుస్తూ కవ్వించింది. మరి ఇప్పుడు ముమైత్ ఆ అదృష్టం అందుకుంది. 1992 లో వచ్చిన ఆ పాట అప్పట్లో యూత్ ని ఊపేసినట్లో ఇప్పుడు కూడా మళ్ళీ అదే రేంజిలో రెస్పాన్స్ వస్తుందని దర్శక నిర్మాతలు భావిస్తున్నారు.

More from Filmibeat