కాజల్ ముద్దు ఎఫెక్ట్: ఛోటా కె నాయుడుపై బ్యాన్ విధించాలంటూ...

ఛోటా చాలా చెత్తగా ప్రవర్తించాడు

ఛోటా లాంటి సీనియర్ పర్సన్ పబ్లిగ్గా ఇలా చేయడం సరైంది కాదు. టాలీవుడ్ ఇండస్ట్రీ, ఆడియన్స్ ఛోటాకు వ్యతిరేకంగా గళం వినిపించాలి. అతడిని ఇండస్ట్రీ నుంచి బ్యాన్ చేయాలంటూఅభిమానులు ట్వీట్స్ చేస్తున్నారు.

చిన్మయి మేడంకు చూపించండి

ఛోటా కె నాయుడు అనుమతి లేకుండా హీరోయిన్ కాజల్‌కు ముద్దు పెట్టడం వేధింపుల కిందకే వస్తుంది. ఈ విషయాన్ని చిన్మయికి చెప్పండి అంటూ...చిన్మయి భర్త రాహుల్ రవింద్రన్‌కు కొందరు సందేశాలు పంపారు. కొంతకాలంగా చిన్మయి లైంగిక వేధింపులకు వ్యతిరేకంగా మీటూ ఉద్యమం చేస్తున్న సంగతి తెలిసిందే.

హీరోయిన్లకు సెక్యూరిటీ లేదు

తెలుగు ఇండస్ట్రీ అప్ కమింగ్ హీరోయిన్లకు చాలా సేఫ్ అని అల్లు అర్జున్ చెప్పడం ఆనందంగా ఉంది. కానీ అంతలోనే ఛోటా కె నాయుడు అందరి ముందు హీరోయిన్‌కు ముద్దు పెట్టి ఇక్కడ సీనియర్ హీరోయిన్లకు కూడా భద్రత లేదు అనే విధంగా ప్రవర్థించాడంటూ మరికొందరు విమర్శలు చేశారు.

ఇండస్ట్రీ నుంచి బ్యాన్ చేయాలి

ఛోటా కె నాయుడు లాంటి వారిని ఇండస్ట్రీ నుంచి బ్యాన్ చేయాలి. ఇలాంటి వారు చేసే పనుల వల్ల మహిళలు అభద్రతా భావంలో ఉంటున్నారు. వీరి లాంటి బిహేవియర్‌ను అస్సలు ఎంకరేజ్ చేయకూడదు అని మరికొందరు మండి పడుతున్నారు.

#రిప్‌ ఛోటా‌ కె నాయుడు, #బ్యాన్ ఛోటా కె నాయుడు

#రిప్‌ ఛోటా‌ కె నాయుడు, #బ్యాన్ ఛాటా కె నాయుడు... అనే యాష్ ట్యాగ్ ట్విట్టర్లో ట్రెండ్ అవుతున్నాయి. పలువురు సినీ అభిమానులు, కాజల్ ఫ్యాన్స్ ఛోటా చేసిన పనిపై దుమ్మెత్తిపోస్తున్నారు.