వినాయక్‌తో సాయిధరమ్ తేజ్ గొడవ?: ఇలాంటి కథా!, అదే యావరేజ్ అనుకుంటే!

నాయక్ సీక్వెల్:

దర్శకుడు వి.వి.వినాయక్ ప్రస్తుతం సాయి ధరమ్ తేజ్‌తో ఓ సినిమా తెరకెక్కిస్తున్నారు. అయితే గతంలో రాంచరణ్ హీరోగా తెరకెక్కిన నాయక్ సినిమాకు సీక్వెల్‌గా ఈ కథ ఉండబోతుందన్న ఊహాగానాలు తెర పైకి వచ్చాయి.

గొడవ జరిగిందా?:

కేవలం సీక్వెల్ అన్న ఊహాగానాలు మాత్రమే కాదు, ఈ కథ విషయమై హీరో సాయిధరమ్ వినాయక్‌తో గొడవ కూడా పడ్డారన్న ప్రచారం జరుగుతోంది. అయితే ఇందులో ఎలాంటి నిజం లేదని ఆ చిత్ర యూనిట్ లోని ఓ సభ్యుడు తెలిపినట్లు సమాచారం.

యావరేజ్ సినిమాకు సీక్వెలా?:

నిజానికి నాయక్ సినిమా ఓ యావరేజ్. కథ పరంగా అయితే బిలో యావరేజ్ అనే చెప్పాలి. అలాంటి యావరేజ్ సినిమాకు ఏ దర్శకుడు సీక్వెల్ ప్లాన్ చేయాలని ఆలోచించడు. కాబట్టి వినాయక్ ఆ సినిమా సీక్వెల్ చేయాలనుకుంటున్నారన్న ప్రచారంలో నిజం లేదనే చెప్పాలి.

నిఖిల్ తోనూ విభేదాలు:

సాయి ధరమ్-వినాయక్ సినిమాకు సంబంధించి గతంలోనూ ఓ రూమర్ పుట్టుకొచ్చింది. ఈ సినిమా కథ తమిళ హిట్ 'కనితన్'కు దగ్గరగా ఉంటుందనే ఊహాగానాలు వినిపించాయి. అప్పటికే కనితన్ తెలుగు రీమేక్ కు నిఖిల్ కమిట్ అయ్యారు. దీంతో సాయిధరమ్, నిఖిల్ మధ్య విభేదాలు వచ్చాయన్న పుకార్లు కూడా పుట్టుకొచ్చాయి.

ఎలా ఉండబోతుంది?:

చిత్ర యూనిట్ తెలిపిన వివరాల ప్రకారం.. సాయిధరమ్-వినాయక్ కాంబినేషన్‌లో వస్తున్న ఈ సినిమాలో విభిన్న కథ, కథనాలు ఉంటాయని తెలుస్తోంది. సాయిధరమ్ కెరీర్ లో ఇప్పటివరకు బ్లాక్ బస్టర్ అనిపించుకోదగ్గ హిట్టు లేకపోవడంతో.. ఆ లోటును పూడ్చేలా వినాయక్ ఔట్&ఔట్ కమర్షియల్ సినిమా తెరకెక్కిస్తారని టాక్.