సోనీ అగర్వాల్ 'కాలేజ్ డేస్'

By Staff

| Published: Tuesday, July 22, 2008, 15:51 [IST]

'హ్యాపీడేస్' హిట్టవటంతో కాలేజీ బ్యాక్ డ్రాప్ ఉన్న డబ్బింగ్ సినిమాలకు మంచి డిమాండు వచ్చింది. తాజాగా తమిళంలో విజయం సాధించిన 'ఒరు కల్లూరి కథై' చిత్రాన్ని కాలేజ్ డేస్ పేరుతో అనువదిస్తున్నారు. ఆర్య,సోనీ అగర్వాల్ హీరో,హీరోయిన్లు గా నటించిన ఈ చిత్రాన్ని నంద దర్శకత్వం వహించారు. కాలేజీ రోజుల్లోని చిలిపితనం,ఆనందం,స్నేహం ప్రతిబింబించే పాత్రలతో వచ్చిన ఈ చిత్రం మంచి ఫీల్ గుడ్ సినిమాగా అక్కడ గుర్తింపు ఉంది. కథ ప్రకారం ఐదేళ్ళ తర్వాత కలుసుకున్న కాలేజీ స్నేహితులు తమలో ఒకరు మిస్సయ్యారని గుర్తిస్తారు. అతనే హీరో ఆర్య.ఏనవర్సరీ రోజు నుండీ అతను ఎవరితో మాట్లాడడు. కలవడు.

అలా మిగిలిన అతన్ని సైక్రాటిస్టు దగ్గరికి తీసుకెళితే అక్కడో నిజం బయిటపడుతుంది. అతను కాలేజీ రోజుల్లో సోనీ అగర్వాల్ ని ప్రేమిస్తాడు.ఏనవర్సరీ రోజున చెప్దామనుకుంటాడు. కానీ అనుకోని పరిస్ధితుల్లో అది కుదరదు. దాంతో అతను దిగాలు పడి అలా మాటా మంతీ లేకుండా ఉండిపోతాడు.ఈ స్ధితి నుండు బయటి పడాలంటే తిర్గి హీరో ఆ రోజ్లుల్లో కి వెళ్ళి మారాలని చెబుతారు. ఇక ఈ విషయం తెల్సుకున్న స్నేహితులంతా కాలేజీని, ఆ రోజుల్ని రీ క్రియేట్ చేయటానికి ప్రయత్నిస్తారు. కానీ అప్పటికే సోనీ అగర్వాల్ కి పెళ్ళి సెటిల్ అవుతుంది. అప్పుడేం జర్గిందనేది ఫీల్ తో వర్కవుట్ చేసారు. ఇక తెలుగులో ఈ చిత్రాన్ని ఎన్.అనీష్ ఫిలింస్ వారు అనువాదం చేయించి అందిస్తున్నారు.