కమాన్...కలర్స్ స్వాతిని క్యాష్ చేసుకుందాం

By Staff

| Published: Saturday, September 13, 2008, 16:40 [IST]

ఈ నినాదంతో ఇప్పుడు తెలుగు,తమిళ పరిశ్రమలో చాలా మంది దర్శక,నిర్మాతలు ఆమె చుట్టూ తిర్గుతున్నారని సమాచారం. తమిళంలో సుబ్రమణ్యపురం సూపర్ హిట్ అవటం, ఇక్కడ అష్టా చెమ్మా అదరకొట్టడం అమె డిమాండ్ ని అమాంతం పెంచేసాయి. దాంతో ఎక్కడెక్కడి వారు ఆమెకి కథలు వినిపించి క్యాష్ చేసుకుందామనే ప్రయత్నాలు ప్రారంభిచేసారు. నిజానికి డేంజర్ సినిమా తర్వాత కలర్స్ స్వాతికి రకరకాల ఆఫర్స్ వచ్చినా ఖాళీగా ఉండిపోయింది తొందరపడి ఏదీ ఒప్పుకోలేదు. తర్వాత పెద్ద బ్యానర్ ,పేరున్న దర్శకుడుని ఎంచుకుని చిన్న పాత్ర అయినా ఆడవారి మాటలకు అర్ధాలే వేరులే తో మళ్ళి బయిటకు వచ్చింది.

దాంతో అప్పటివరకూ చేసిన వెయిటింగ్ ఫలించి ఇన్నాళ్ళుకు వరసగా మంచి బ్యానర్స్ నుండి ఆఫర్స్ వస్తున్నాయి. అయితే వాటిల్లో కూడా ఎంత రెమ్యునేషన్ అయినా ఫర్వాలేదు కానీ మార్కెట్ వెంటనే కావాలనే బ్యాచ్ ఎక్కువుగా ఉన్నారని తెలుస్తోంది. వారు కథ లేకపోయినా ముందు ఆమె కమిట్ మెంట్ ఉంటే చాలని భావిస్తున్నారు. కంగారు పడి ఇలాంటి వారి వల్లో పడితే వారు బాగానే ఉండి మరో హీరోయిన్ని వెతుక్కుంటారు గానీ ఆమె కెరీరే మెగ్గలోనే ముగిసిపోతుంది. మరి ఈ పరిస్ధితుల్లో ఆమె ఆచి తూచి అడుగెయ్యాలని అభిమానులు,శ్రేయాభిలాషులు కోరుకుంటున్నారు. ప్రస్తుతం ఆమె హ్యాలీడేస్ అనే సినిమా కమిట్ అయ్యిందని తెలుస్తోంది.