ఎనభైల నాటి అమ్మాయిగా 'కలర్స్' స్వాతి !!!

By Staff

Published: Wednesday, March 11, 2026, 6:26 [IST]

డేంజర్, ఆడువారిమాటలకు అర్ధాలు వేరులే చిత్రాలతో తెరంగ్రేటం చేసిన చిన్నది స్వాతి. అప్పటికే కలర్స్ అనే టివీ పోగ్రామ్ ద్వారా పాపులర్ అయిన ఆమె తాజాగా తమిళంలో 'సుబ్రమణ్యపురం' అనే సినిమా చేసింది. ఆ సినిమా మొన్న శుక్రవారం రిలీజై మంచి టాక్ తెచ్చుకుంది. నిజానికి ఈ సినిమా పూర్తి డైరక్టర్ ఓరియంటెడ్ ఫిల్మ్. శశి కుమార్ అనే ఈ నూతన దర్శకుడు తన మొదటి సినిమాకు బ్యాక్ గ్రౌండ్ గా ఎనభైల నాటి (1980) మధురై యూత్ మనోభావాలు,ఆశలు,ఆకాంక్షలును తీసుకున్నాడు. ఆ కాలంనాటి చదువుకున్న ఐదుగురు కుర్రాళ్ళ కథ ఇది. ఫ్లాష్ బ్యాక్ నేరేషన్ లో నడిచే ఈ సినిమాలో కలర్స్ స్వాతి ఎక్స్ ఎమ్.ఎల్.ఎ కూతరు గా చేసింది. ఎప్పుడూ జల్సాగా గడిపే ఆ కుర్రాళ్ళలో ఒకడు అయిన Azhagu ఆమెతో పీకలోతు ప్రేమలో పడతాడు. ఈ లోగా ఆమె మేనమామ Kanagu (Samuthirakkani) వారికి పరిచయమై మంచి ఫ్రెండ్ అయి వారికో ఆఫర్ ఇస్తాడు.తమ రాజకీయ ప్రత్యర్ధిని మర్డర్ చేస్తే వారు కోరికలన్నీ తీరుస్తానని.

అలాగే వాళ్ళని బయిటకు తీసుకురావటానికి బెయిల్ ఇస్తానని. మొదట ఒప్పుకోక పోయినా తర్వాత కమిటయి మర్డర్ చేస్తారు. తర్వాత అనుకున్నట్లుగానే ఆమె మేనమామ హ్యాండిస్తాడు. దాంతో జైలు పాలయిన వాళ్ళు అక్కడున్న ఒకరి కోసం మరో మర్డర్ చేస్తారు .అలా పూర్తిగా ఇరుక్కుపోయిన వాళ్లు చివరకు రియలైజ్ అయి తమని ముంచిన వాడికి బుద్ది చెపుతారు. కలర్స్ స్వాతి చివరకు ఓ ట్విస్టు ఇస్తుంది. కథ ఎలా ఉన్నా సినిమా మొదటి రోజునుంచే మంచి టాక్ తెచ్చుకుంది. తెలుగులోకి కూడా డబ్బింగ్ అయ్యే అవకాశం ఉంది. టెక్నికల్ గా ఆ కాలంలోకి కథను తీసుకెళ్ళటంలోనూ,ఎమోషన్స్ పండించటంలోనూ దర్శకుడు పేరు తెచ్చుకుంటే,స్వాతి అమాయకమైన ఫేస్ తో అందరికీ నచ్చేస్తోందిట. మరి ఆమె అక్కడా బిజీ అయిపోతుందేమో చూద్దాం.ప్రస్తుతం ఆమె ప్రధాన పాత్రలో చేసిన 'అష్టా చెమ్మా' రిలీజుకు రెడీ అవుతోంది.

More from Filmibeat