కలర్ 'మాయాబజార్' ఎలాగుంది?

సినిమా స్వర్ణయుగం కాలం నాటి 'మాయాబజార్' చిత్రానికి రంగులద్ది రీసెంట్ గా ధియోటర్స్ లో సూపర్ గుడ్ వారు రిలీజ్ చేసిన సంగతి తెలిసిందే. ఈ చిత్రం ఆ జనరేషన్ వారినే కాక ఈ కాలం వారిని కూడా విపరీతంగా ఆకట్టుకుంటోంది. ధియోటర్స్ వద్ద శని, ఆదివారాల రెండు రోజులు ఫ్యామిలలో హౌస్ ఫుల్ వాతావరణం కనపడింది.మంచి సినిమాకు ఆదరణకు కాలపరిమితి లేదన్నది మరో సారు రుజువైనట్లయింది. ఇక చిత్రంలో యంగ్ సావిత్రిని కలర్స్ చూడటం ఓ ప్రత్యేక అనుభూతి అని పెద్దలంటున్నారు. అలాగే నాగేశ్వరరావు, ఎన్టీఆర్, ఎస్వీఆర్ ఇలా ఎవరికి వారే పోటీపడినట్లుగా నటించి అధ్బుతంగా పండించిన సీన్లను మరోసారి చూసే అవకాశం ఈ కలర్ మార్పిడి ఇచ్చిందని సినీ లవర్స్ మురిసిపోతున్నారు. అయితే రెండు పాటలు తీసేయటం మాత్రం కాస్త బాధ కలిగించిందంటున్నారు. అలాగే తమ మాయతో మాయాబజార్ ని అద్బుతంగా కలర్స్ లోకి మార్చిన గోల్డ్ స్టోన్ వారిని మాత్రం అబినందించాల్సిన సమయమిది.