హాస్యనటుడు రామ్మూర్తి మృతి

By Staff

Published: Friday, January 9, 2009, 12:55 [IST]

శంకర్ దాదా ఎంబిబిస్,కుబేరులు వంటి ఎన్నో సినిమాల్లో హాస్యనటుడుగా,విలన్ గా నటించిన ఎం.రామ్మూర్తి బుధవారం తెల్లవారు ఝామున గుండెపోటుతో మరణించారు. నిన్న (గురువారం)సాయింత్రం ఆయన మృత దేహానికి బన్సీలాల్ పేటలోని శ్మసాన వాటికలో అంత్యక్రియలు నిర్వహించారు. ఆయనకు భార్య, నలుగురు పిల్లలు ఉన్నారు. రామ్మూర్తి సికింద్రాబాద్ రెజిమెంట్ బజార్ లో పుట్టి పెరిగారు.

పరిచయస్ధులు ఎవరైనా మరణిస్తే అంత్యక్రియలు అయ్యే వరకూ రామ్మూర్తి అన్ని కార్యక్రమాలకు అటెండయ్యేవారు. దగ్గరుండి తన భాద్యతగా భావించి చివరి వరకూ ఉండేవారు. దాంతో ఆయన మరణించారని తెలియగానే స్ధానికులు పెద్ద సంఖ్యలో వచ్చి ఆయనకు నివాళులు అర్పించారు. రామ్మూర్తి 1999 లో జరిగిన సాధారణ ఎన్నికల్లో సనత్ నగర్ అసెంబ్లీ నియోజక వర్గం నుంచి స్వతంత్ర అభ్యర్దిగా పోటీచేసి ఓడిపోయారు. నటుడు శ్రీహరి ఆయన అంత్యక్రియలకు అటెండయ్యారు. ఎంతో భవిష్యత్ ఉన్న రామ్మూర్తి అంత త్వరగా అందరినీ విడిచిపెట్టి వెళ్ళటం బాధాకరం. ఆయన ఆత్మకు శాంతి కావాలని దట్స్ తెలుగు కోరుకుంటోంది.

More from Filmibeat