For Quick Alerts
    ALLOW NOTIFICATIONS  
    For Daily Alerts

    పోసానిపై వైఎస్ 'తుపాకీ'?

    By Staff
    |

    Posani Krishna Murali
    పోసాని కృష్ణమురళి నిర్మిస్తున్న తాజా చిత్రం "రాజా వారి చేపల చెరువు". ఇది రాజకీయ వ్యంగ్య చిత్రం. ముఖ్యమంత్రి రాజశేఖరరెడ్డి అవినీతి మీద తీస్తున్న చిత్రం. పోసాని ప్రజారాజ్యం పార్టీలో చేరిపోయి, ఈ విధమైన సినిమా తీస్తున్నారన్న విమర్శలు ఉన్నాయి. అయితే పోసాని ఫోర్స్, గతంలో ఆయన తీసిన రాజకీయ చిత్రాల పదును తెలిసిన అధికార పార్టీ నాయకులు ఈ సినిమా మీద ఎన్నికల సంఘానికి ఫిర్యాదు చేశారు. ఈ సినిమా ఏప్రిల్ 10 న విడుదల కావలసి ఉంది. అయితే ఎన్నికల కోడ్ అమలులోకి వచ్చినందువల్ల ఇటువంటి సినిమాలను విడుదల చేయడానికి అంగీకరించరు.

    ఈ సినిమాలో పోసాని వైఎస్ గెటప్ లో నటించారు. వైఎస్ పై ఎన్నో సెటైర్లు పడ్డాయని సమాచారం. ఇటీవల టీవీ 9 ఇంటర్వ్యూలో పోసాని తనదైన ఆవేశంతో ఈ సినిమాపై వస్తున్న విమర్శలను తిప్పికొట్టారు. తాను ఎవరినీ కించపరిచే ఉద్దేశంతో ఈ సినిమా తీయలేదని చెప్పుకొచ్చారు. ఈ సినిమాపై విమర్శల్లో నిజం ఉంటే తాను టీవీ కెమెరాల ముందు చెవులు పట్టుకుని గుంజిళ్ళు తీస్తానని, అబద్ధమైతే టీవీ 9 జర్నలిస్టులు గుంజిళ్ళు తీయాలని ఆయన సవాలు విసిరారు. అయినా ఎన్నికల్లోపు ఆ సినిమా విడుదల కాకపోతే, అందుకు ఎన్నికల సంఘం అడ్డుకుంటే ఏం అనుకున్నా ఏమవుతుంది?

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X