Don't Miss!
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
- Finance EPFO News: ఉద్యోగులకు గుడ్న్యూస్.. మారిన పీఎఫ్ విత్డ్రా రూల్స్.. ఎంతంటే..??
- News YS Jagan: జగన్ పై దాడి కేసులో ఇద్దరి అరెస్ట్-కాసేపట్లో కోర్టుకు..!
- Technology ధర రూ. 20 వేలలో, వైర్లెస్ ఛార్జింగ్ తో వచ్చే మొట్ట మొదటి ఫోన్! సేల్ ఈ రోజే! ఆఫర్ వివరాలు
- Sports IPL 2024: అంబానీ వల్ల మూడు జట్లు సర్వనాశనం!
- Automobiles రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
మెగా 'అల్లుడి' సినిమా.. మెహ్రీన్పై నిర్మాత ఫిర్యాదు, ఏం జరిగిందంటే!
మెగాస్టార్ చిరంజీవి చిన్నల్లుడు కళ్యాణ్ దేవ్ రెండవ సినిమా విషయంలో ఊహించని మలుపులు చోటు చేసుకుంటున్నాయి. కళ్యాణ్ దేవ్ విజేత చిత్రంతో హీరోగా పరిచయం అయ్యాడు. ఈ చిత్రం విజయం సాధించకపోయినా కళ్యాణ్ దేవ్ పెర్ఫామెన్స్ కు మంచి మార్కులే పడ్డాయి. ఈ చిత్రం తరువాత నటనలో పరిణితి కోసం కళ్యాణ్ దేవ్ శిక్షణ తీసుకున్నట్లు వార్తలు వచ్చాయి. ప్రస్తుతం కళ్యాణ్ దేవ్ రెండవ చిత్రం కోసం రెడీ అవుతున్నాడు. రిజ్వాన్ ఎంటర్ టైన్మెంట్స్ బ్యానర్ లో ఈ చిత్రం తెరకెక్కబోతోంది.
సంచలన బ్యూటీ కోసం
కళ్యాణ్ దేవ్ రెండవ చిత్రాన్ని డెబ్యూ దర్శకుడు పులి వాసు తెరకెక్కించబోతున్నట్లు తెలుస్తోంది. ఈ చిత్రంలో నటించే హీరోయిన్ కోసం చిత్ర యూనిట్ మొదటగా కన్నుగీటి సంచలనం రేపిన ప్రియా వారియర్ ని సంప్రదించారట. కానీ ప్రియ వారియర్ మెగా అల్లుడి చిత్రాన్ని రిజెక్ట్ చేసినట్లు తెలుస్తోంది. ఎలాగైనా ఈ చిత్రంతో కళ్యాణ్ దేవ్ కు మంచి గుర్తింపు తీసుకుని వచ్చేలా ప్రయత్నాలు చేస్తున్నారు.
మెహ్రీన్ కోసం ప్రయత్నాలు
ప్రియా వారియర్ ఈ చిత్రానికి నో చెప్పడంతో నిర్మాతలు మరో హీరోయిన్ ప్రియ వారియర్ ని సంప్రదించినట్లు తెలుస్తోంది. మెహ్రీన్ కూడా ఈ చిత్రాన్ని రిజెక్ట్ చేసిందట. కానీ నిర్మాతలకు, మెహ్రీన్ కు మధ్య సమస్య తలెత్తడంతో.. ఈ వివాదం ఫిలిం ఛాంబర్ లో ప్రొడ్యూసర్ కౌన్సిల్ వరకు వెళ్లినట్లు తెలుస్తోంది. ఈ వివాదానికి కారణం గతంలో మెహ్రీన్ నిర్మాతలతో కుదుర్చుకున్న ఒప్పందమే.
సుదీర్ బాబు చేయాల్సిన చిత్రం
ప్రస్తుతం కళ్యాణ్ దేవ్ చేయబోతున్న చిత్రాన్ని నిర్మాతలు ముందుగా సుదీర్ బాబుతో అనుకున్నారు. ఈ చిత్రం కోసం మెహ్రీన్ కు అడ్వాన్స్ ఇచ్చి హీరోయిన్ గా ఎంపిక చేసుకున్నారు. అంతా సిద్దం అయ్యాక సుధీర్ బాబు ఈ చిత్రం నుంచి తప్పుకోవడంతో ఆ ప్లేస్ లోకి కళ్యాణ్ దేవ్ వచ్చాడు. కాంబినేషన్ మారడంతో ఈ చిత్రంలో నటించడం ఆసక్తి లేదని మెహ్రీన్ నిర్మాతలకు చెప్పేసిందట. పైగా అడ్వాన్స్ కుడా తిరిగి ఇవ్వకపోవడంతో నిర్మాత ఫిలిం చాంబర్ ని ఆశ్రయించారు.
త్వరలోనే ప్రారంభం
ఫిలిం చాంబర్ ప్రొడ్యూసర్స్ కౌన్సిల్ ఈ సమస్యని ఎలా పరిష్కరిస్తారో చూడాలి. ఏది ఏమైనా వీలైనంత త్వరగా ఈ చిత్రాన్ని సెట్స్ పైకి తీసుకువెళ్లాలని నిర్మాతలు భావిస్తున్నారు. తొలి చిత్రం నిరుత్సాహ పరచడంతో ఈ చిత్రంలో రెట్టించిన ఉత్సాహంతో నటించాలని కళ్యాణ్ దేవ్ ఉవ్విళ్ళూరుతున్నాడు.