దేని కోసం ఈ పరుగు.. ఇలా దారుణంగా చావడం కోసమా?.. వేదాంత ధోరణిలో జగ్గూ భాయ్

కరోనాకు తారతమ్యాలు లేవు..

కరోనా వైరస్‌కు తారతమ్యాలు లేవు. అది ఎప్పుడూ కూడా పేద, బీద, బలహీన వర్గం, సంపన్న వర్గం అని తేడా చూపించలేదు. అందర్నీ ఒకేరకంగా బయపెడుతోంది. కోట్లకు పడగలెత్తిన వారు కూడా కరోనా ముందు తలవంచాల్సిందే. నిరుపేద అయినా సరే కరోనా ముందు సాగిల పడాల్సిందే.

ప్రపంచాన్ని గుప్పిట పట్టిన కరోనా..

ప్రపంచం మొత్తాన్ని గుప్పిట పట్టి పీడిస్తోన్న కరోనా వైరస్‌కు అగ్రరాజ్యం సైతం కుదేలైంది. ప్రపంచాన్ని శాసించ గల సత్తా ఉన్న అమెరికా నేడు కరోనాతో కుప్పకూలిపోతోంది. దేశాధ్యక్షులు, ప్రధానులు ఇలా ఎవ్వరైనా కరోనాను బయపడాల్సిందే. కోట్లకు అధిపతి అయిన ఓ కోటీశ్వరుడు కరోనాతో మృతి చెందడంపై అతని కూతురు రాసిన ఓ లేఖ ప్రస్తుతం వైరల్ అవుతోంది.

సంపద అంతా ఇంట్లోనే

పోర్చుగల్ దేశంలోని శాంటాండర్ బ్యాంక్ ప్రెసిడెంట్ ఆంటోనియో పియారా. ఓ కోటీశ్వరుడు. కానీ కరోనాతో కన్నుమూశాడు. దీనిపై ఆయన కూతురు స్పందిస్తూ.. ‘మాకు ఎంతో సంపద ఉంది.. ఉచితంగా లభించే గాలి దొరక్క ఒంటరిగా మా తండ్రి చనిపోయాడు. కానీ మా సంపద మాత్రం ఇంట్లోనే ఉండిపోయింది' అంటూ ఎంతో గొప్ప మాట చెప్పింది. దీన్ని ఉదాహరణగా తీసుకుని జగ్గూ భాయ్ ఎమోషనల్ అయ్యాడు.

Recommended Video

#BeTheRealMan: Sampoornesh Babu's Video Goes Viral

ఇలాంటి చావుకోసమా?

పోర్చుగల్ కోటీశ్వరుడి ఘటనను ఉదహరిస్తూ జగపతి బాబు ఈ విధంగా స్పందించాడు. ‘అతను బతకాడిని అవసరమైన గాలిని ఆయనకున్న సంపద తీసుకురాలేకపోయింది. మనం జీవితాంతం నిర్విరామంగా పరిగెడుతూనే ఉన్నాం.. కానీ దేని కోసం.. ఇలాంటి భయంకరమైన, బాధాకరమైన చావు కోసమా? సంపదతో ఆరోగ్యాన్ని, మనశ్శాంతిని ఎప్పటికీ పోల్చలేమ'ని ట్వీట్ చేశాడు.