Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మెగా అభిమానులకు రామ్ చరణ్ రిక్వెస్ట్.. అదే మీరిచ్చే అతిపెద్ద పుట్టినరోజు కానుక!
ప్రస్తుతం కరోనా వైరస్ ప్రపంచ దేశాలను వణికిస్తోంది. చైనాలో పుట్టిన ఈ మహమ్మారి వైరస్ ఇప్పటికే ప్రపంచంలోని 145కు పైగా దేశాల్లో పాగా వేసి వేలాదిమందికి బలిగొంది. భారత దేశంలోనూ కరోనా కేసులు నమోదుకావడంతో అంతా అలర్ట్ అయ్యారు. ప్రభత్వ సూచనల మేరకు జాగ్రత్త పడుతున్నారు. ఈ నేపథ్యంలో తాజాగా మెగా అభిమానులకు రామ్ చరణ్ రిక్వెస్ట్ చేస్తూ అఫీషియల్ నోట్ పోస్ట్ చేశారు. వివరాల్లోకి పోతే..
కరోనా ఎఫెక్ట్.. సెలబ్రిటీల రియాక్షన్
యావత్ ప్రపంచాన్ని వణికిస్తున్న కరోనా.. మన దేశంలోనూ వేగంగా వ్యాప్తి చెందుతోంది. ఈ క్రమంలో ప్రజల్లో ఉన్న భయం పోగొట్టి, కరోనా పట్ల, తీసుకోవాల్సిన జాగ్రత్తల పట్ల అవగాహన కల్పించేందుకు గాను పలువురు సెలబ్రిటీలు ముందుకొస్తున్నారు. ఇదే బాటలో ఇటీవలే రామ్ చరణ్, ఎన్టీఆర్ కొన్ని సూచనిలిస్తూ వీడియోతో ముందుకొచ్చిన సంగతి తెలిసిందే.
కీలక నిర్ణయాలు తీసుకుంటున్న ప్రభుత్వం
మరోవైపు కరోనా వ్యాప్తిని అరికట్టడంలో భాగంగా ప్రభుత్వం కీలక నిర్ణయాలు తీసుకుంటోంది. రద్దీ ప్రదేశాల్లో తిరగకూడదని పేర్కొంటూ స్కూల్స్, కాలేజెస్, థియేటర్స్ లాంటి జనసమూహం ఉండే ప్రదేశాలపై ఆంక్షలు విధించింది. ఈ నేపథ్యంలో పలువురు సినీ, రాజకీయ ప్రముఖులు తమ తమ వ్యక్తిగత వేడుకలు (బర్త్ డే, మ్యారేజ్ డే) లాంటివి రద్దు చేసుకుంటున్నారు.
మోహన్ బాబు బాటలో రామ్ చరణ్
కలెక్షన్ కింగ్ మోహన్ బాబు ఇప్పటికే తన పుట్టినరోజు వేడుకలను రద్దు చేస్తున్నట్లు తెలిపారు. ఇదే బాటలో రామ్ చరణ్ కూడా ఓ ప్రకటన జారీ చేశారు. ఈ ఏడాది మార్చి 27న తన పుట్టినరోజు వేడుకలను రద్దు చేస్తున్నట్లు ప్రకటించారు. తన పుట్టినరోజు వేడుకులను జరపవద్దని అభిమానులకు మనవి చేశారు.
మెగా అభిమానులకు రిక్వెస్ట్..
''మీకు నా మీద ఉన్న ప్రేమ, నా పుట్టినరోజును పండుగగా జరపడానికి మీరు పడుతున్న కష్టాన్ని అర్థం చేసుకోగలను. మనం ఉన్న ఈ అసాధారణ పరిస్థితులు మీకు తెలియనివి కావు. ఇలాంటి సమయంలో మనం సాధ్యమైనంతవరకు జనసాంద్రత తక్కువగా ఉండేలా చూసుకోవడం మంచిది. దీనిని దృష్టిలో పెట్టుకుని ఈ సంవత్సరం నా పుట్టినరోజు వేడుకలను విరమించుకోవాల్సిందిగా నా మనవి'' అని పేర్కొంటూ లేఖ రాశారు చెర్రీ.
Recommended Video
అదే మీరిచ్చే అతిపెద్ద పుట్టినరోజు కానుక..
''మీరంతా మన అధికారులకు సహకరించి కరోనా వైరస్ వ్యాప్తిని అరికట్టే విధానాలు ప్రజలకు అర్థమయ్యే విధంగా తెలియజేయండి. అదే నాకు ఈ సంవత్సరం మీరిచ్చే అతిపెద్ద పుట్టినరోజు కానుక. నా మనవిని మీరంతా సహృదయంతో స్వీకరించి పాటిస్తారని ఆశిస్తున్నాను'' అని రామ్ చరణ్ ఆ లేఖలో తెలియజేశారు.