Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కరోనా దెబ్బకు 'ఇష్క్' సినిమా వాయిదా
టాలీవుడ్ ఇండస్ట్రీలో మరోసారి ఇబ్బందులు మొదలయ్యాయి. కరోనా తగ్గుముఖం పట్టిందని హ్యాపీగా సినిమాలను రిలీజ్ చేసుకుంటున్న తరుణంలో ఒక్కసారిగా కరోనా సెకండ్ వేవ్ ఉగ్రరూపం దాల్చడంతో మళ్ళీ పరిస్థితులు భయానకంగా మారాయి. థియేటర్స్ మొత్తం క్లోజ్ చేయనున్నట్లు థియేటర్స్ ఓనర్స్ యూనియన్ నిర్ణయం తీసుకుంది.
ఇక ఆ నిర్ణయంతో చిన్న సినిమాలు విడుదలను వాయిదా వేసుకోక తప్పడం లేదు. ప్రస్తుతం యువ హీరో తేజ సజ్జా నటించిన 'ఇష్క్: నాట్ ఏ లవ్ స్టొరీ' విడుదలకు సిద్దమైన విషయం తెలిసిందే. ఏప్రిల్ 23న శుక్రవారం విడుదల కావడానికి రెడీగా ఉన్న ఈ సినిమా ప్రీ రిలీజ్ ఈవెంట్ కూడా ఇటీవల గ్రాండ్ గా జరిగింది. ఇక సినిమా థియేటర్లు క్లోజ్ అవ్వడంతో విడుదల కూడా వాయిదా పడింది.
తేజ సజ్జా ఈ ఏడాది మొదట్లో జాంబీ రెడ్డితో మంచి హిట్ అందుకున్నాడు. ఇక ఇష్క్ సినిమాతో కూడా మరో మంచి విజయాన్ని అందుకుందామని ప్రమోషన్ డోస్ పెంచిన సమయంలో కరోనా గట్టి దెబ్బ కొట్టింది. ఇప్పటికే శేఖర్ కమ్ముల లవ్ స్టొరీ, టక్ జగదీష్ సినిమాలు వాయిదా పడిన విషయం తెలిసిందే. అలాగే పెద్ద సినిమాల షూటింగ్స్ కూడా క్యాన్సిల్ అయ్యాయి. మళ్ళీ పరిస్థితులు నార్మల్ అయిన రోజునే యధావిధిగా థియేటర్స్ తెరవాలని డిసైడ్ అయినట్లు సమాచారం.