Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
అలాంటి కామెంట్లు పెట్టారో అంతే సంగతి.. వారికి థ్యాంక్స్ చెప్పిన అనసూయ, చిన్మయి
సోషల్ మీడియాలో మంచి ఎంత ఉందో.. చెడు కూడా అంతే ఉంది. ఎంత మంది పొగిడే వారు ఉంటారో.. అంతే మంది తిట్టేవారుంటారు. సెలెబ్రిటీల విషయంలో ఈ సూత్రం పక్కాగా వర్తిస్తుంది. ఇక హీరోయిన్ల విషయం అయితే ప్రత్యేకంగా చెప్పనక్కర్లేదు. హీరోయిన్లు పొరపాటున ఆన్లైన్లోకి వచ్చి అభిమానులతో ముచ్చటించారంటే ఇక అంతే సంగతి అంతే. అడ్డుఅదుపు లేని ప్రవర్తను, ఎలాంటి ప్రశ్నలు అడగాలో కూడా సోయి ఉండని కొందరు మహానుభావులు అక్కడికి వచ్చేస్తారు. ఇష్టమొచ్చినట్టు కామెంట్లు పెట్టేస్తారు. బూతు పదాలతో కామెంట్లు పెడుతూ పైశాచిక ఆనందాన్ని పొందుతారు. ఇక అలాంటి వారికి చెక్ పడనుంది.
చేదు అనుభవం..
ఇటీవల కొందరు హీరోయిన్స్ సోషల్ మీడియా వేదికలైన ట్విటర్ ఇన్స్టాగ్రామ్ల ద్వారా అభిమానులతో చాట్ చేస్తున్న సందర్భంలో కొందరు ఆకతాయిలు అడగకూడని ప్రశ్నలు అడుగుతూ వారిని ఇబ్బంది పెట్టారు. నివేదా థామస్ లాంటి వారికి ఇలాంటి సమస్య ఎదురైంది. అనంతరం వాటి గురించి చెప్పుకుంటూ.. ఆవేదన వ్యక్తం చేసిన సంగతి తెలిసిందే.
దిశ ఘటన అనంతరం..
తాజాగా హైదరాబాద్ లో దిశా హత్య మరియు హత్యాచార ఘటన అనంతరం.. బాధితురాలి క్యారెక్టర్ అలాగే అమ్మాయిల కట్టు, బొట్టు వంటి విషయాలపై అసభ్యకర కామెంట్స్ చేసిన కొందరిని హైదరాబాద్ సైబర్ పోలీసులు అరెస్ట్ చేసిన సంగతి తెలిసిందే. అత్యాచారానికి సంబంధించి, అమ్మాయిలపైనా అసభ్యకరంగా పోస్టుల పెట్టిన వారి పనిని పట్టేందుకు పోలీసులు రంగంలోకి దిగారు.
|
సీన్లోకి ఎంటరైన అనసూయ..
దిశ ఘటనపై అనసూయ స్పందించడం ఆలస్యమైందని ఆమెను సైతం ఘోరమైన పదజాలంతో దూషించడం మొదలు పెట్టారు. ఈ క్రమంలో వారిపై మండిపడ్డ అనసూయ.. మా క్యారక్టర్, వేసుకొనే బట్టలు, అలంకరణను డిసైడ్ చేయడానికి మీరెవరని ఆక్రోశం వెళ్లగక్కారు. ఇలాంటి వాటికి అడ్డుకట్ట వేయాలని అనసూయ, చిన్మయి లాంటి వారు సైబర్ క్రైమ్ పోలీసులను కోరుతూనే ఉన్నారు.
Recommended Video
ముగింపు పలకనున్న పోలీసులు
ఈ క్రమంలో ఇలాంటి నీచ సంస్కృతిని అదుపు చేయాలనే ఉద్దేశంతో సైబర్ పోలీసులు కఠిన నిర్ణయాలు తీసుకోనున్నారని సమాచారం. సామాజికంగా సున్నితమైన విషయాలపై, అలాగే సెలెబ్రిటీస్ని టార్గెట్ చేస్తూ అసభ్యకర పోస్టులు, కామెంట్స్ పెడితే తక్షణమే అరెస్ట్లు జరుగుతాయట. కాబట్టి నోటిని, బుద్ధిని అదుపులో ఉంచుకొని ప్రవర్తించాలి, లేకపోతే తీవ్ర పరిణామాలు ఎదుర్కోవాల్సి వస్తుంది.