మనోజ్‌ కుమార్‌ కు దాదా సాహెబ్‌ ఫాల్కె

By Staff

Published: Saturday, April 18, 2009, 14:25 [IST]

సుప్రసిద్ధ బాలీవుడ్‌ నటుడు, దర్శకుడు మనోజ్‌ కుమార్‌ కు శుక్రవారం కేంద్ర ప్రభుత్వం దాదా సాహెబ్‌ ఫాల్కే అవార్డు ప్రకటించింది. భారతీయ చలన చిత్ర సీమలో విశేషమైన కృషిచేసిన వారికి కేంద్ర ప్రభుత్వం ప్రతీ ఏటా దాదా సాహెబ్‌ ఫాల్కే అవార్డును ప్రకటిస్తుంది. 2009 సంవత్సరానికి గానూ ఈ అత్యన్నత చలనచిత్ర పురస్కారానికి మనోజ్‌ కుమార్‌ ఎంపికయ్యారు. నటుడిగా, దర్శకుడిగా, నిర్మాతగా, కథా రచయితగా ఆయన ప్రతిభ అద్వితీయం, అపూర్వం. ఒకసారి జాతీయ ఉత్తమ నటుడిగా, రెండు సార్లు జాతీయ ఉత్తమ దర్శకుడిగా అవార్డులు అందుకోవడం ఆయనలోని ప్రతిభకు తార్కాణం, కళాతృష్ణకు నిదర్శనం.

ఆలస్యంగానైనా మనోజ్‌ కుమార్‌ కు ఫాల్కే ప్రకటించడం సంతోషకరమైన విషయమని చిత్ర రంగ ప్రముఖులు వ్యాఖ్యానిస్తున్నారు. ఈ అవార్డు వార్త తెలిసిన వెంటనే పలువురు బాలీవుడ్‌ చిత్ర ప్రముఖులు ఆయనకు ఫోన్‌ చేసి శుభాకాంక్షలు తెలుపుతున్నారు.

More from Filmibeat