గర్వంగా ఉంది: భార్య ఉపాసనకు ప్రతిష్టాత్మక ఫాల్కే అవార్డు రావడంపై రామ్ చరణ్!

భార్య ఫోటో షేర్ చేసిన చరణ్

ఉపాసన సామాజిక కార్యక్రమాల్లో చురుగ్గా పాల్గొంటూ సమస్యలపై ఎప్పటికప్పుడు స్పందిస్తున్నారు. సోషల్ రెస్పాన్సిబిలిటీ కేటగిరీలో ఆమెకు దాదాసాహెబ్ ఇంటర్నేషనల్ ఫిలిమ్ ఫెస్టివల్స్ సంస్థ ఈ అవార్డును అందించింది. ఈ సందర్భంగా రామ్ చరణ్.. ఉపాసన అవార్డు అందుకున్న ఫోటో షేర్ చేశారు.

ఈ అవార్డ్ వారికే అంకింతం అని చెప్పిన ఉపాసన

అవార్డు అందుకోవడంపై ఉపాసన ఇన్‌స్టాగ్రామ్‌లో స్పందిస్తూ... ‘ ‘దాదా సాహెబ్ ఫాల్కే-ఫిలాన్‌త్రోపిస్ట్‌ ఆఫ్‌ ది ఇయర్‌' అందుకోవడం సంతోషంగా ఉంది. సామాజిక మాధ్యమాల ద్వారా నాకు సందేశాలు పంపుతూ నన్ను మోటివేట్‌ చేస్తూ ప్రతి రోజు మంచి పనులు చేసేలా నన్ను ప్రోత్సహిస్తున్న వారికి ఈ అవార్డును అంకితం ఇస్తున్నాను.' అన్నారు.

కుటుంబం మద్దతు ఉండటం వల్లే

కుటుంబ సభ్యుల మద్దతు, సహకారం ఉండటం వల్లే నేను ఇదంతా చేయగలుగుతున్నాను. ఈ రోజు నాకు అవార్డు రావడానికి ప్రధాన కారణం వారి ప్రోత్సాహమే. ఈ అనుభూతి ఎంతో గొప్పగా ఉంది అంటూ ఉపాసన పేర్కొన్నారు.

మెగా అభిమానుల నుంచి స్పందన

ఉపాసనకు అవార్డు రావడంపై మెగా అభిమానులు సంతోషం వ్యక్తం చేస్తున్నారు. లైకులు, కామెంట్లతో ముంచెత్తారు. రామ్ చరణ్ ఈ పోస్ట్ షేర్ చేయగానే వేల సంఖ్యలో రెస్పాన్స్ వచ్చింది.