Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
జూ. ఎన్టీఆర్కు ఉచిత సలహాలు ఇవ్వను.. లక్ష్మీపార్వతిని నేను కొట్టలేదు!
Recommended Video
యంగ్ టైగర్ ఎన్టీఆర్ ప్రస్తుతం రాజమౌళి ఆర్ఆర్ఆర్ చిత్రంలో నటిస్తున్నాడు. తరచుగా జూ. ఎన్టీఆర్ కేంద్రంగా అనేక రాజకీయ చర్చలు జరుగుతూనే ఉన్నాయి. ఎన్టీఆర్ భవిష్యత్తులో రాజకీయాల్లోకి వస్తాడని చాలామంది భావిస్తున్నారు. ఇదే ప్రశ్న బిజెపి నేత దగ్గుబాటి పురందేశ్వరికి ఓ ఇంటర్వ్యూలో ఎదురైంది. పురందేశ్వరి ఎన్టీఆర్ గురించి ఆసక్తికర విషయాలు వెల్లడించారు. పురంధేశ్వరే భవిష్యత్తులో ఎన్టీఆర్ ని రాజకీయాల్లోకి తీసుకు రావడానికి ప్రయత్నిస్తున్నట్లు ఓ చర్చ జరుగుతోంది.
జూ. ఎన్టీఆర్తో మాట్లాడలేదు
తాను ఇంతవరకు జూ. ఎన్టీఆర్ తో రాజకీయ పరమైన విషయాలు మాట్లాడలేదు అని పురందేశ్వరి అన్నారు. భవిష్యత్తులో ఎన్టీఆర్ ని రాజకీయాల్లోకి తీసుకువచ్చేందుకు పురందేశ్వరి ప్రయత్నిస్తున్నారా అనే ప్రశ్నకు ఆమె ఈ సమాధానం ఇచ్చారు. తనకు చిత్ర పరిశ్రమలో చాలా భవిష్యత్తు ఉందని, సినిమాల్లోనే కొనసాగుతానని పలు సందర్భాల్లో ఎన్టీఆరే స్వయంగా తెలిపాడని పురందేశ్వరి అన్నారు.
అంతటి గౌరవం ఇస్తే
ఎన్టీఆర్ రాజకీయాల్లోకి వస్తే అతడికి దిశా నిర్దేశం చేసే వ్యక్తిగా పురంధేశ్వరే ఉంటారనే ప్రచారం జరుగుతున్నట్లు ఇంటర్వ్యూలో ప్రస్తావనకు వచ్చింది. అంతటి గౌరవం ఇస్తే స్వాగతిస్తా. అన్ని విషయాల్ని విడమర్చి చెప్పడం భాద్యతగా భావిస్తా. అడగకుండా మాత్రం ఉచిత సలహాలు ఇవ్వనని పురందేశ్వరి అన్నారు. తాను ఏదైనా విషయాన్ని చెబితే జూ ఎన్టీఆర్ దానిని గౌరవిస్తాడని పురందేశ్వరి అన్నారు.
ఎన్టీఆర్ బయోపిక్ గురించి
బాలయ్య నటించిన ఎన్టీఆర్ బయోపిక్ చిత్రం గురించి కూడా పురందేశ్వరి స్పందించాడు. చిన్న నాటి నుంచి నాన్నగారు ఎన్నో కష్ఠాలు, ఒడిదుడుకుల ఎదుర్కొని చలనచిత్ర రంగంలో స్టార్ గా ఎదిగారు. ఆయన ఎదుర్కొన్న కష్టాలని, ఇబ్బందులని పూర్తిగా చూపించి ఉండాల్సింది. బయోపిక్ చిత్రం అంటే వారు ఎదుర్కొన్న కష్టాలు కూడా చూపించాలి అని పురందేశ్వరి అన్నారు.
లక్ష్మీ పార్వతిని నేను కొట్టలేదు
ఇక లక్ష్మీస్ ఎన్టీఆర్ చిత్రం బాలయ్య నటించిన ఎన్టీఆర్ బయోపిక్ కంటే మంచి విజయం సాధించడంపై పురందేశ్వరి స్పందించారు. జనాలు ఎప్పుడూ సంచలనాలకే పెద్ద పీట వేస్తారు అని అన్నారు. ఇక లక్ష్మీస్ ఎన్టీఆర్ చిత్రంలో తాను లక్ష్మీ పార్వతిని కొట్టినట్లు చూపించిన సన్నివేశాల్లో ఏమాత్రం వాస్తవం లేదని పురందేశ్వరి అన్నారు. అలాంటి సంఘటనలేవీ నిజజీవితంలో జరగలేదని అన్నారు.