Click it and Unblock the Notifications
వెంకటేష్ పుట్టిన రోజు కానుక.. 'వెంకీమామ' సర్ప్రైజ్ అదిరింది
రియల్ లైఫ్ మామాఅల్లుళ్లు అక్కినేని నాగచైతన్య, విక్టరీ వెంకటేష్ హీరోలుగా తెరకెక్కుతున్న కొత్త సినిమా 'వెంకీమామ'. డైరెక్టర్ బాబీ (కెఎస్ రవీంద్ర) రూపొందిస్తున్న ఈ సినిమా ఇప్పటికే షూటింగ్ ఫినిష్ చేసుకుంది. రియల్ లైఫ్లో మామా అల్లుళ్లయిన వెంకటేష్, నాగచైతన్య రిలేషన్ ఫోకస్ అయ్యేలా ఈ సినిమాలో సన్నివేశాలు పొందుపర్చారని సమాచారం.
చిత్రంలో రైతు పాత్రలో వెంకటేష్ నటించగా, నాగ చైతన్య జవాన్ పాత్రలో నటించాడు. రియల్ లైఫ్ మామాఅల్లుళ్లు రీల్ లైఫ్ మామాఅల్లుళ్లుగా మారుతున్న నేపథ్యంలో ఇటు అక్కినేని, అటు దగ్గుబాటి అభిమానులు ఈ సినిమా కోసం ఆతృతగా ఎదురుచూస్తున్నారు. ఈ నేపథ్యంలో చిత్ర విడుదల తేదీని అఫీషియల్గా ప్రకటించింది చిత్రయూనిట్.
ముందుగా ఈ చిత్రాన్ని సంక్రాంతి కానుకగా విడుదల చేయాలని భావించిన యూనిట్ సభ్యులు.. అక్కడ పోటీ ఎక్కువగా ఉండటంలో డిసెంబర్ 20న రిలీజ్ చేద్దామని సన్నాహాలు చేశారు. ఆ డేట్లో కూడా మూడు సినిమాలు పోటీకి ఉండటంతో తాజాగా ఈ సినిమాకు డిసెంబర్ 13 ముహూర్తం పెట్టేశారు. డిసెంబర్ 13 వ తేదీన 'వెంకీమామ' సినిమాను రిలీజ్ చేస్తున్నట్టు అఫీషియల్గా ప్రకటించారు మేకర్స్. ఇదే రోజు వెంకటేష్ పుట్టినరోజు కావడం విశేషం. ఈ విషయాన్ని కన్ఫామ్ చేస్తూ రానా, దర్శకుడు బాబీ ఒక వీడియోను పోస్ట్ చేశారు.
ఈ చిత్రంలో వెంకటేష్ సరసన పాయల్ రాజ్పుత్, నాగచైతన్య సరసన రాశిఖన్నా హీరోయిన్లుగా నటిస్తున్నారు. హిలేరియస్ కామెడీ ఎంటర్టైనర్ సినిమాగా ఈ సినిమా ప్రేక్షకుల ముందుకు రానుంది. ప్రస్తుతం ప్రమోషన్ కార్యక్రమాలతో బిజీగా ఉన్న చిత్ర యూనిట్ ఒక్కో అప్డేట్ సినిమాపై హైప్ పెంచేస్తోంది.
Continue with Google