twitter
    For Quick Alerts
    ALLOW NOTIFICATIONS  
    For Daily Alerts

    'దళం'.. విడుదల తేదీ ఖరారు

    By Srikanya
    |

    హైదరాబాద్: అందాల రాక్షసి చిత్రంలో హీరోగా చేసిన నవీన్ చంద్ర రెండో చిత్రం 'దళం' ఎట్టకేలకు విడుదలకు రెడీ అవుతోంది. ఈ చిత్రంలో నవీన్ చంద్ర నక్సలైట్ గా కనిపించనున్నారు. జీవన రెడ్డి అనే నూతన దర్శకుడు పరిచయమవుతూ రెడీ అయిన ఈ చిత్రం ఆగస్టు 15 న విడుదల చేయటానికి సన్నాహాలు చేస్తున్నారు. ప్రస్తుతం పోస్ట్ ప్రొడక్షన్ చివర దశలో ఉంది. అలాగే చిత్రంలో నవీన్ చంద్ర సరసన పియాబాజ్‌పేయ్ కనిపించనుంది.

    ఇప్పటికే షూటింగ్ పూర్తయిన ఈచిత్రం గత సంవత్సరం డిసెంబర్లోనే విడుదలవ్వాల్సి ఉండగ అనేక కారణాలతో వాయిదా పడుతూ వచ్చింది. చాలా కాలం క్రితమే షూటింగ్, పోస్ట్ ప్రొడక్షన్ కార్యక్రమాలు పూర్తి చేసుకున్న ఈ సినిమా ఆడియో కూడా గత డిసెంబర్లో విడుదలైంది. కానీ ఈ చిత్ర నిర్మాతలు సరైన విడుదల సమయం లేదని పక్కన పెట్టారు. ఈ చిత్రంలో నవీన్ చంద్ర సరసన పియాబాజ్‌పేయ్ నటించింది. జన జీవన స్రవంతిలో కలిసిన నక్సలైట్ల జీవితం తర్వాత ఎలా సాగిందనే పాయింట్ చుట్టూ కథ తిరుగుతుంది.

    దర్శకుడు జీవన్ రెడ్డి మాట్లాడుతూ... ఆ నలుగురూ... తుపాకీ వదిలేసిన అన్నలు. అడవిలో ఉండి చేసే పోరాటాల వల్ల... తమ లక్ష్యం నెరవేరదని అర్థమైంది. అందుకే.. అడవినీ, ఆవేశాన్నీ, తిరుగుబాటు భావాలనూ విడిచి జన జీవన స్రవంతిలో కలిశారు. ఈ సమాజం వారికి ఎలాంటి స్థానాన్ని ఇచ్చింది? వారి జీవితాలపై పోలీసు, రాజకీయ, మీడియా వ్యవస్థల ప్రభావం ఏమిటన్న విషయాలన్నీ మా చిత్రంలో చూపిస్తున్నామన్నారు .

    నిర్మాత సుమంత్‌కుమార్‌ రెడ్డి మాట్లాడుతూ ''కథాంశంలోని నవ్యత ప్రేక్షకులకు తప్పకుండా నచ్చుతుంది. త్వరలో విడుదల చేస్తాము''అన్నారు. ఇందులోని ప్రత్యేక గీతానికి నథాలియా కౌర్‌ నర్తించింది. ఈ చిత్రంలో నవీన్‌చంద్ర, పియాబాజ్‌పేయ్‌, కిషోర్‌ ప్రధాన పాత్రలు పోషించారు. ఛాయాగ్రహణం: సుధాకర్‌ యక్కంటి, సంగీతం: జేమ్స్ వసంతన్‌.

    English summary
    
 Naveen Chandra starrer Dalam directed by Jeevan Reddy completed all formalities and is ready for release on 15th Aug. Naveen Chandra shot to fame with Andala Rakshasi directed by Hanu Reddy and produced by Rajamouli.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X