నక్సలిజం బ్యాక్ డ్రాప్ లో 'దళం'.. విడుదల తేదీ

By Srikanya

| Published: Friday, November 30, 2012, 8:35 [IST]

హైదరాబాద్: అందాల రాక్షసి చిత్రంలో హీరోగా చేసిన నవీన్ చంద్ర రెండో చిత్రం 'దళం'. ఈ చిత్రంలో నవీన్ చంద్ర నక్సలైట్ గా కనిపించనున్నారు. జీవన రెడ్డి అనే నూతన దర్శకుడు పరిచయమవుతూ రెడీ అయిన ఈ చిత్రం డిసెంబర్ 14న విడుదల చేయటానికి సన్నాహాలు చేస్తున్నట్లు సమాచారం. ప్రస్తుతం పోస్ట్ ప్రొడక్షన్ చివర దశలో ఉంది. అలాగే చిత్రంలో నవీన్ చంద్ర సరసన పియాబాజ్‌పేయ్ కనిపించనుంది. ఈ చిత్రం ఆడియో డిసెంబర్ 1న విడుదల చేస్తారు. జన జీవన స్రవంతిలో కలిసి నక్సలైట్ల జీవితం ఎలా సాగిందనే పాయింట్ చుట్టూ కథ తిరుగుతుంది.

చిత్రం కథ గురించి జీవన్ రెడ్డి మాట్లాడుతూ... ఆ నలుగురూ... తుపాకీ వదిలేసిన అన్నలు. అడవిలో ఉండి చేసే పోరాటాల వల్ల... తమ లక్ష్యం నెరవేరదని అర్థమైంది. అందుకే.. అడవినీ, ఆవేశాన్నీ, తిరుగుబాటు భావాలనూ విడిచి జన జీవన స్రవంతిలో కలిశారు. ఈ సమాజం వారికి ఎలాంటి స్థానాన్ని ఇచ్చింది? వారి జీవితాలపై పోలీసు, రాజకీయ, మీడియా వ్యవస్థల ప్రభావం ఏమిటన్న విషయాలన్నీ మా చిత్రంలో చూపిస్తున్నామన్నారు .

నిర్మాత సుమంత్‌కుమార్‌ రెడ్డి మాట్లాడుతూ ''కథాంశంలోని నవ్యత ప్రేక్షకులకు తప్పకుండా నచ్చుతుంది. ఇటీవల విడుదల చేసిన ప్రచార చిత్రానికి మంచి స్పందన వచ్చింది. త్వరలో పాటలు విడుదల చేస్తాము''అన్నారు. ఇందులోని ప్రత్యేక గీతానికి నథాలియా కౌర్‌ నర్తించింది. ఈ చిత్రంలో నవీన్‌చంద్ర, పియాబాజ్‌పేయ్‌, కిషోర్‌ ప్రధాన పాత్రలు పోషించారు. ఛాయాగ్రహణం: సుధాకర్‌ యక్కంటి, సంగీతం: జేమ్స్ వసంతన్‌.

Comments

English summary

‘Dalam’.’s shooting has been wrapped up and currently it is in post production stage. As per the latest buzz, the film’s audio is going to be launched on December 1 and the film is expected to hit the screens on December 14.

Story first published: Friday, November 30, 2012, 8:35 [IST]

Other articles published on Nov 30, 2012