Don't Miss!
- Sports LSG vs CSK: రప్ఫాడించిన రాహుల్... లక్నో ఘన విజయం
- News విశాఖ లోక్సభ పరిధిలో ఆ సామాజిక వర్గందే పెత్తనం..బొత్స ఝాన్సీకి కలిసొస్తుందా..?
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
దర్బార్ కలెక్షన్ల సునామీ.. దిమ్మ తిరిగే కలెక్షన్లు.. 200 కోట్ల వసూళ్ల దిశగా రజనీ సినిమా
సూపర్స్టార్ రజనీకాంత్ నటించిన దర్బార్ చిత్రం ప్రపంచవ్యాప్తంగా వసూళ్ల సునామీ సృష్టిస్తున్నది. జనవరి 9న ప్రేక్షకుల ముందుకు వచ్చిన ఈ చిత్రం రూ.200 కోట్ల క్లబ్ వైపు దూసుకెళ్తున్నది. కేవలం తమిళనాడులోనే రికార్డుస్థాయి కలెక్షన్లను కొల్లగొడుతున్నది. ఇక ఓవర్సీస్లో రజనీకాంత్ సినిమా సరికొత్త రికార్డులు నమోదు చేస్తున్నది, నాలుగు రోజులకు సంబంధించిన కలెక్షన్ల వివరాల్లోకి వెళితే..
యూఎస్, న్యూజిలాండ్లో
దర్బార్ చిత్రం అమెరికాలో బాక్సాఫీస్ను షేక్ చేస్తున్నది. ఇప్పటికే ఈ చిత్రం 1 మిలియన్ డాలర్ క్లబ్లో చేరడం జరిగింది. ఇలా రజనీకాంత్ చిత్రం 1 మిలియన్ డాలర్ క్లబ్లో చేరడం ఇది 9వసారి. ఇక న్యూజిలాండ్లో కేవలం మొదటి రోజునే 19531 డాలర్లను కొల్లగొట్టిన ఈ చిత్రం మూడు రోజల్లో 43771 డాలర్లు వసూలు చేసింది.
ఆస్ట్రేలియా మిగితా దేశాల్లో
దర్బార్ చిత్రం ఆస్ట్రేలియాలో 5 రోజుల్లో రూ.2.10 కోట్లు, యూకేలో రెండు రోజులకు రూ.2.32 కోట్లు, గల్ఫ్ కంట్రీలలో 3 రోజుల్లోనే 3.8 కోట్లు వసూలు చేసింది. ఇలా ప్రపంచవ్యాప్తంగా పలు దేశాల్లో రికార్డు స్థాయి వసూళ్లు రాబట్టడం విశేషం. అలాగే పలు ద్వీపాల్లో కూడా ఈ చిత్రం రిలీజై భారీ వసూళ్లను నమోదు చేస్తున్నది.
కలెక్షన్ల సునామీ
తమిళనాడులో దర్బార్ కలెక్షన్ల సునామీ సృష్టిస్తున్నది. ఇప్పటికే ఈ చిత్రం తమిళంలోనే రూ.100 కోట్ల మార్కును దాటింది. మూడో రోజున ఈ చిత్రం జనవరి 11న తమిళనాడులోనే రూ.30 కోట్లు వసూలు చేయడం ట్రేడ్ వర్గాలను ఆశ్చర్యానికి గురిచేసింది. ఇంకా ఈ చిత్రం నిలకడగా వసూళ్లు సాధిస్తు ఉండటంతో సరికొత్త రికార్డులు వసూలు చేసే అవకాశం ఉంది.
తెలుగు రాష్ట్రాల్లో
ఇక తెలుగు రాష్ట్రాల్లో దర్బార్ పెద్దగా ప్రభావం చూపించలేకపోయినా... భారీ వసూళ్లే రాబడుతున్నది. గత నాలుగు రోజుల్లో ఈ చిత్రం ఏపీ, తెలంగాణలో రూ.7.57 కోట్ల వసూళ్లను రాబట్టింది. నైజాంలో ఈ చిత్రం రూ.3.78 కోట్లు, సీడెడ్లో రూ.92 లక్షలు, ఉత్తరాంధ్రలో రూ.78 లక్షలు, తూర్పు గోదావరి జిల్లాలో రూ.50 లక్షలు, పశ్చిమ గోదావరి జిల్లాలో రూ.33 లక్షలు, గుంటూరులో రూ.57 లక్షలు, కృష్ణా జిల్లాలో రూ.40 లక్షలు, నెల్లూరులో రూ.29 లక్షలు వసూలు చేసింది.
Recommended Video
ఎంత సాధిస్తే లాభాల్లోకి
దర్బార్ చిత్రం ప్రపంచవ్యాప్తంగా రూ.146 కోట్ల మేర బిజినెస్ చేసింది. ప్రస్తుతం ఈ చిత్రం రూ.175 కోట్ల గ్రాస్ను వసూలు చేసింది. ఈ చిత్రం లాభాల్లోకి రావాలంటే సుమారు రూ.150 కోట్ల షేర్ను సాధించాల్సి ఉంటుంది. ఇప్పటికే ఈ చిత్రం తమిళనాడులో లాభాల్లోకి చేరుకొన్నది.