Don't Miss!
- Sports LSG vs CSK: రప్ఫాడించిన రాహుల్... లక్నో ఘన విజయం
- News విశాఖ లోక్సభ పరిధిలో ఆ సామాజిక వర్గందే పెత్తనం..బొత్స ఝాన్సీకి కలిసొస్తుందా..?
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
హత్యాయత్నంలో హీరోకు బెయిల్ నిరాకరణ
కన్నడ సినీ నటుడు దర్శన్కు మంగళవారం కోర్టులో చుక్కెదురైంది. భార్య విజయలక్ష్మిపై దాడి చేశారని ఆరోపణలు ఎదుర్కొంటున్న ఆయన సమర్పించిన బెయిల్ దరఖాస్తును బెంగుళూరు ప్రథమ అదనపు చీఫ్ మెట్రోపాలిటన్ మేజిస్ట్రేట్ వెంకటేశ్ హులగి తిరస్కరించారు. తొలుత భర్తపైన పోలీసులకు ఫిర్యాదు చేసిన విజయలక్ష్మి, అనంతరం మనసు మార్చుకుని తన ప్రకటనను ఉపసంహరించుకున్నా ప్రయోజనం లేకపోయింది. అభ్యంతరాలు లేనందున దర్శన్కు సులభంగా బెయిల్ లభిస్తుందని కొందరు అంచనా వేశారు. అయితే సెషన్స్ కోర్టుకు వెళ్లి బెయిల్ తీసుకోవచ్చని లేదా హైకోర్టుకు వెళ్లి ఏకంగా కేసునే రద్దు చేయించుకోవచ్చని మేజిస్ట్రేట్ సూచిస్తూ, బెయిల్ దరఖాస్తును తోసిపుచ్చారు. అలాగే దర్శన్పై నమోదు చేసిన ఐపీసీ 307 సెక్షన్ (హత్యాయత్నం)ను ఐపీసీ 324 సెక్షన్ (దాడిలో గాయాలు)గా మార్చడానికి అనుమతి కోరుతూ పోలీసులు దాఖలు చేసిన మెమోను కూడా మేజిస్ట్రేట్ తిరస్కరించారు.
గత గురువారం రాత్రి భార్యపై దాడి చేసినందుకు గాను స్థానిక విజయ నగర పోలీసులు దర్శన్ను అరెస్టు చేసిన సంగతి తెలిసిందే. శుక్రవారం రాత్రి ఆయనను మేజిస్ట్రేట్ నివాసంలో హాజరు పరచగా 14 రోజుల పాటు జ్యుడిషియల్ కస్టడీకి ఆదేశించారు. పోలీసులు ఆయనపై ఐపీసీలోని అయిదు సెక్షన్ల కింద కేసులు నమోదు చేశారు. ఆస్పత్రి వద్ద భారీ బందోబస్తు ఉబ్బసం, పచ్చ కామెర్లతో బాధ పడుతున్న దర్శన్ ఇక్కడి రాజీవ్ గాంధీ ఆస్పత్రిలో చికిత్స పొందుతున్నారు. అభిమానుల తాకిడి ఎక్కువవుతుందనే ఉద్దేశంతో సుమారు రెండు వందల మంది సాయుధ పోలీసులను ఆస్పత్రి వద్ద మోహరించారు. ముఖ్యులను తప్ప వేరెవరినీ లోపలికి అనుమతించడం లేదు.