హోమ్

న్యూస్

వీర సినిమాతో ప్లాప్ చవిచూసినా కానీ కాజల్ కి ఎలాంటి నష్టం వాటిల్లలేదు. మగధీర, డార్లింగ్, బృందావనం, మిస్టర్ ఫర్ ఫెక్ట్ చిత్రాల విజయాలతో టాప్ హీరోయిన్ గా వెలిగిపోతున్న కాజల్ త్వరలో మహేష్ ది బిజినెస్ మ్యాన్, పవన్ తో గబ్బర్ సింగ్ కూడా చేయబోతోంది. తమిళంలో రెండు భారీ చిత్రాలతో పాటు బాలీవుడ్ లోను మంచి సినిమాతో పున:ప్రవేశం చేస్తున్న కాజల్ డేట్లు సంపాదించాలంటే ఇప్పుడు చాలా కష్టం.

అయితే డార్లింగ్ కన్నడ రీమేక్ రైట్స్ కొనుకున్న కన్నడ హీరో దర్శన్ ఆ సినిమాలో కాజల్ కావాలని కోరుకుంటున్నాడు. అందుకే ఆ చిత్ర నిర్మాత అయిన తన సోదరుడితో ఎంతయినా ఇచ్చి కాజల్ డేట్స్ తీసుకురమ్మని పంపించాడు. ప్రస్తుతం కన్నడలో నటించే తీరిక లేదని కాజల్ చెప్పడంతో అతను రెండు కోట్ల పారితోషికం ఆఫర్ చేశాడట. అంత డబ్బు ఒకే సినిమాతో వస్తుందని అనేసరికి కాజల్ కాదనలేకపోయిందట. త్వరలో కాజల్ కన్నడ రంగ ప్రవేశానికి రంగం సిద్దమవుతోంది. ఈ చిత్రానికి 'బుల్ బుల్" అనే పేరు పెట్టారు.