చిరంజీవి ఇంటికి దాసరి

By Staff

Published: Tuesday, March 10, 2026, 15:01 [IST]

చిరంజీవి తండ్రి వెంకట్రావు అంత్యక్రియల రోజున హాజరుకాలేకపోయిన దర్శకరత్న దాసరి నారాయణరావు మంగళవారం వారి ఇంటికి వచ్చి చిరంజీవి కుటుంబ సభ్యులను పరామర్శించారు. సోమవారం ఢిల్లీలో ఉన్న దాసరి మంగళవారం నగరానికి తిరిగిరాగానే చిరంజీవి ఇంటికి వెళ్లారు. ఈ సందర్భంగా దాసరిని ప్రముఖ నిర్మాత, చిరంజీవి సన్నిహితుడు సి అశ్వనీదత్ ఇంట్లోకి తీసుకువెళ్లారు. తిరిగి వెళ్లేపుడు పవన్ కళ్యాణ్ బయటి దాకా వచ్చారు.

ఈ సందర్భంగా దాసరి నారాయణరావు మీడియాతో మాట్లాడారు. వెంకట్రావు ఎంతో క్రమశిక్షణ కలిగిన వ్యక్తని, ఆ క్రమశిక్షణను తన కుమారులకు అందించాడని అన్నాడు. కుమారులు ఎంతో ఇమేజ్ ను సంపాదించుకున్నా వెంకట్రావు మాత్రం సొంత ఇమేజ్ తోనే బతికారన్నాడు. తనలో ఉన్న కళా పిపాసను తన కుమారుల ద్వారా తీర్చుకున్నారన్నాడు. ఆయన కొన్ని సినిమాలలో నటించడమే ఆయనలో ఉన్న కళాపిపాసను తెలియజేస్తుందని దాసరి నారాయణరావు అన్నాడు.

More from Filmibeat