'మేస్త్రి'లో దాసరి పాత్ర అదే?

By Staff

Published: Monday, February 23, 2009, 12:07 [IST]

ప్రజారాజ్యం అధినేత చిరంజీవిపై సెటైర్స్ చేస్తూ దాసరి మేస్త్రి చిత్రాన్ని రూపొందిస్తున్నారనే సంగతి తెలిసిందే. అయితే అందులో ఆయన పాత్ర ఏమిటి..డైరక్ట్ గానే దాసరి..వ్యగ్యాస్త్రాలు సంధిస్తారా అన్నదానికి రకరకాల సమాధానాలు వినపడుతున్నాయి. ముఖ్యంగా దాసరి ఈ చిత్రంలో రిటైర్డ్ ఆర్మీ మేజర్ పాత్ర పోషింస్తున్నారని విశ్వసనీయ సమాచారం. అప్పటి బొబ్బిలిపులి ఎన్టీఆర్ పాత్రలా నిప్పులు కక్కుతూ సమాజంలోని అన్యాయాన్ని కూకటివేళ్ళతో సహా పెకిలించే ఆవేశంతో ఉంటుందని అంటున్నారు.

ఆర్మీలోని నిజాయితి, క్రమశిక్షణ సమాజంలో కనపడకపోవటంతో మొదట బాధపడి అందులోంచి ఫైర్ పుట్టి చెలరేగిపోయే పాత్ర అంటున్నారు. ఇక ఈ దాసరి పాత్రను మొదట్లో విభేధించి తర్వాత కలిసిపోరాడే దళితనాయుకుడు పాత్రలో మోహన్ బాబు కనిపించనున్నారు. ఆయన నోటి ద్వారా చిరుపై కొన్ని సెటైర్స్ విసిరే ప్రయత్నం చేసారని ఫిల్మ్ నగర్ టాక్.ఇక ఈ చిత్రాన్ని బాషా వంటి సూపర్ హిట్స్ అందించిన సురేష్ కృష్ణ డైరక్ట్ చేస్తున్నారు. అలాగే ఈ చిత్రంలో డా.సి.నారాయణరెడ్డి ఓ ప్రత్యేకమైన పాట రాస్తున్నారని సమాచారం. చూద్దాం ఈ మేస్త్రి రాజకీయాలతో చీలుతున్న సమాజాన్ని పునర్ నిర్మిస్తారేమో...

More from Filmibeat