దాసరితో బాలయ్య కన్ఫర్మ్?

By Staff

| Published: Thursday, May 7, 2009, 11:19 [IST]

అప్పట్లో ఎన్టీఆర్ తో దాసరి తీసిన బొబ్బిలిపులి ఓ సంచలనమన్న సంగతి తెలిసిందే.ఇప్పుడు అదే కథతో సమకాలీన సమస్యలతో దాసరి బాలకృష్ణతో సినిమా ప్లాన్ చేస్తున్నట్లు విశ్వసనీయ సమాచారం. నిజానికి గత కొంత కాలంగా ఈ టాపిక్ ఫిల్మ్ సర్కిల్స్ లో అభిమానుల్లో నలుగుతున్నదే.అయితే ఇన్నాళ్ళకు అది కార్యరూపం దాల్చనుందని తెలుస్తోంది. అందులోనూ దాసరి జన్మదినం(మే నాలుగు) సందర్భంగా బాలయ్య ఆయన ఇంటికి వెళ్ళి శుభాకాంక్షలు చెప్పి వచ్చారు. అలాగే దాసరి సైతం ఓ ప్రెస్టేజియస్ ప్రాజెక్టుని సైతం తాను చేయనున్నట్లు అతి త్వరలోనే ఆ వివరాలు చెప్తానని ప్రకటించారు.

ఇక దాసరికి తన సినిమాలను తానే రీమేక్ చేయటం ఇష్టం లేదు. అయినా బొబ్బిలిపులి స్టోరీ లైన్ తీసుకుని పూర్తిగా మార్చి ఈ కాలానికి తగినట్లు తీస్తారని చెప్పుకుంటున్నారు. అలాగే మిత్రుడు తర్వాత బాలయ్య చేసే ప్రాజెక్టు ఇదే కానుందని సమాచారం. దాసరి కూడా మేస్త్రి సినిమా తర్వాత పక్కా కమర్షియల్ చిత్రం చేయాలని ఆలోచనలో ఉన్నట్లు చెప్తున్నారు. అలాగే దాసరికి ఈ చిత్రం 149 దర్శకత్వ చిత్రం. ఇవన్నీ ఇలా ఉంటే వరసగా బాలయ్య ఫ్లాపుల్లో ఉన్నారు. దాసరి కూడా అదే పొజీషన్ లో ఉన్నారు. దాంతో ఇద్దరూ ఫ్లాప్ ల నుండి బయిటపడటానికి ప్రయత్నిస్తారు కాబట్టి మరింత పట్టుదలతో చేసే ఈ సినిమా విజయం సాధించే అవకాశం ఉంది. బెస్టాఫ్ లక్ బాలయ్య అండ్ దాసరి.