దాసరి 'యంగ్‌ ఇండియా' రిలీజ్ డేట్...

నూతన నటీనటులతో దాసరి నారాయణరావు రూపొందించిన 'యంగ్‌ ఇండియా' మే నెల 7వ తేదీన రిలీజ్ కానుంది. ఈ విషయాన్ని దాసరి స్వయంగా మీడియాకు తెలియచేసారు. ఆయన మాట్లాడుతూ..."భారతీయుడిగా సాధించు, భారతీయుడిగా మరణించు అనే అంశాన్ని ప్రభావశీలంగా చెప్పే కథ ఇది. ఈ సినిమా ద్వారా 81మంది నటీ నటులు తెలుగు తెరకు పరిచయమవుతున్నారు. అందరూ తెలుగువారే! ఈ సినిమాని నా మిత్రుడు, దివంగత ముఖ్యమంత్రి వైయస్ రాజశేఖర రెడ్డికి అంకితమిస్తున్నాం. ఆయన ఆశయాలకు అనుగుణంగా కొన్ని సన్నివేశాలు మా చిత్రంలో ఉన్నాయన్నారు. ఎమ్ ‌ఎమ్ ‌కీరవాణి సంగీతం అందిస్తున్న ఈ చిత్రం దాసరికి 149వ చిత్రం.