రీమేక్ తో దాసరి రీ ఎంట్రీ

By Staff

Published: Thursday, March 12, 2026, 0:22 [IST]

దర్శకుడిగా అత్యధిక సినిమాలు రూపొందించి ప్రపంచ రికార్డ్ సృష్టించిన వ్యక్తి దాసరి నారాయణరావు. ఆయన గత కొంత కాలంగా రాజకీయల్లో మునిగిపోయి సినిమా రంగానికి దూరంగా ఉన్నారు. ఇప్పుడు కేంద్ర సహాయమంత్రి పదవి పోయాక తిరిగి విజృంభించాలనుకుంటున్నారు. తాజాగా తమిళంలో సూపర్ హిట్టైన 'తవమాయి తవమాయి' అనే తమిళ సినిమాని రీమేక్ చేయబోతున్నారు. చేరన్ దర్శకత్వంలో రాజ్ కిరణ్ (పందెం కోడి ఫేమ్) ప్రథాన పాత్రలో వచ్చిన ఈ సినిమాలో భావోద్వేగాలకే పెద్ద పీట . అటువంటి సినిమా అయితే తన రీ ఎంట్రీ కి ఢోకా ఉండదని ఆయన భావిస్తున్నారు.

దాంతో దాసరి ఆ చిత్రం రైట్స్ తీసుకుని తమ సొంత బ్యానర్ పై నిర్మిస్తూ దర్శకత్వం చేస్తున్నారు. అంతేగాక రాజ్ కిరణ్ వేసిన తండ్రి పాత్రని ఆయనే చెయ్యబోతున్నారు. గతంలోనూ 'మామగారు, సూరిగాడు' వంటి చిత్రాలలో ఇటువంటి మథ్యతరగతి పెద్దాయన పాత్రలు చేసిండటంతో ఆయనకి ఇలాంటి పాత్రలు కొట్టన పిండి. నిజానికి చాలా కాలం క్రిందట రిలీజైన 'తవమాయి తవమాయి' సినిమా రీమేక్ రైట్స్ కోసం చాలా మంది ట్రై చేసారు. కాని చేరన్ స్క్రిప్టు ఒక్క అక్షరం కూడా మార్చకూడదని కండీషన్ పెట్టడంతో ఎవరికీ ధైర్యం చేయలేదు. ఇప్పుడా అదృష్టం దాసరికి దక్కింది. కాబట్టి మరో బంగారు కుటుంబం లాంటి సినిమా దాసరి నుంచి రాబోతోందన్నమాట.

More from Filmibeat