Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘అర్జున్ రెడ్డి’ని చూపించినట్లే.. ‘డియర్ కామ్రేడ్’ నుంచి ఇంట్రెస్టింగ్ అప్డేట్
తెలుగు సినీ ఇండస్ట్రీలో 'అర్జున్ రెడ్డి' చేసిన హడావిడి అంతా ఇంతా కాదు. ఈ సినిమా అప్పటి వరకు ఉన్న కొన్ని సంప్రదాయాలను మార్చేసింది. అంతేకాదు, మన ఫిల్మ్ మేకర్స్ పెట్టుకున్న సరిహద్దులను చెరిపివేసింది. దీంతో ఈ సినిమా భారీ విజయాన్ని సొంతం చేసుకుంది. ఈ సినిమాతో హీరో విజయ్ దేవరకొండ కూడా ఎంతో పాపులర్ అయిపోయాడు. అంతకు ముందు వరకు చిన్న హీరోలా కనిపించిన విజయ్.. ఆ తర్వాత స్టార్ అయిపోయాడు. ఇక, 'గీత గోవిందం' వంటి భారీ సక్సెస్తో ఈ యంగ్ హీరో క్రేజ్ మరింత పెరిగిపోయింది. ఈ నేపథ్యంలోనే త్వరలోనే రానున్న 'డియర్ కామ్రేడ్'పై భారీ అంచనాలే ఉన్నాయి.
ఈ సినిమాలో విజయ్ దేవరకొండ సరసన రష్మిక మందన్నా నటించింది. మైత్రీ మూవీ మేకర్స్ బ్యానర్పై వస్తున్న ఈ సినిమాను భరత్ కమ్మ అనే నూతన దర్శకుడు తెరకెక్కించాడు. ఇప్పటికే విడుదలైన ఈ సినిమా టీజర్, ట్రైలర్కు భారీ స్పందన వచ్చింది. దీంతో ఈ సినిమాపై అంచనాలు ఊహించని విధంగా పెరిగిపోయాయి. ఈ సినిమా జూలై 28న ప్రేక్షకుల ముందుకు వస్తోంది. ఈ సినిమా తెలుగుతో పాటు తమిళ, మలయాళ, కన్నడ భాషల్లో విడుదల అవుతోంది. అందుకే ఆయా రాష్ట్రాల్లో విజయ్ అండ్ కో ఇప్పటికే ప్రమోషన్ కార్యక్రమాలు కూడా ముగించేసింది.
ఈ సినిమాపై తాజాగా ఓ అప్డేట్ వచ్చేసింది. అదే.. సెన్సార్ రిపోర్ట్. ఈ చిత్రానికి సెన్సార్ బోర్డు యు/ఏ సర్టిఫికేట్ను జారీ చేసింది. అంతేకాదు, ఈ సినిమా రన్ టైమ్ 2 గంటల 49 నిమిషాలు ఉంది. గతంలో వచ్చిన 'అర్జున్ రెడ్డి' కూడా దాదాపు మూడు గంటల రన్ టైమ్ ఉంది. లాంగ్ రన్ టైమ్ ఉన్నప్పటికీ ఈ సినిమా భారీ విజయాన్ని సొంతం చేసుకుంది. ఇప్పుడు 'డియర్ కామ్రేడ్' కూడా అలాంటి మేజిక్నే క్రియేట్ చేస్తుందేమోనన్న టాక్ వినిపిస్తోంది.