డియర్ కామ్రేడ్ ప్రీ రిలీజ్ టాక్: విజయ్ దేవరకొండ మరో సెన్సేషన్.. బాహుబలి తరహాలోనే..

విజయ్ దేవరకొండ, రష్మిక మందన్న కెమిస్ట్రీ

గీతా గోవిందంలో రష్మిక మందన్నతో విజయ్ దేవరకొండ కెమిస్ట్రీకి యూత్ బ్రహ్మరథం పట్టారు. లిప్‌లాక్‌లతో ఎప్పటిలానే అదరగొట్టాడు. ఆ సినిమా భారీ విజయాన్ని అందించడంతో భరత్ కమ్మ దర్శకత్వంలో డియర్ కామ్రేడ్ కోసం మరోసారి తెరపైన మ్యాజిక్ చేయడానికి సిద్ధమయ్యారు. ఈ సినిమాకు రష్మిక, విజయ్ మందన్న కెమిస్ట్రీ మరో కారణం.

విజయ్ దేవరకొండ యాంగ్రీ యంగ్‌మ్యాన్‌గా

అర్జున్ రెడ్డి, నోటాతో యాంగ్రీ యంగ్ మెన్‌గా ముద్ర వేసుకొన్న విజయ్ దేవరకొండ మరోసారి అదే యాటిట్యూడ్‌తో ప్రేక్షకులకు కనువిందు చేయబోతున్నాడు. టీజర్లు, ట్రైలర్లు సినిమాపై భారీ అంచనాలను పెంచాయి. ఇప్పటికే భరత్ కమ్మ కథ, స్క్రీన్ ప్లే బాగున్నాయనే టాక్ వినిపిస్తున్నది. ఇలాంటి అంశాలు సినిమాను మరింత క్రేజ్‌గా మార్చాయి.

బాహుబలి మూవీని మినహాయిస్తే

బాహుబలిని మినహాయిస్తే.. టాలీవుడ్‌లో నాలుగు దక్షిణాది భాషల్లో ఓ హీరో సినిమాలు విడుదలైన దాఖలాలు లేవు. డియర్ కామ్రెడ్‌తో విజయ్ దేవరకొండ ఓ అరుదైన ఫీట్‌ను సాధించబోతున్నాడు. ఏ తెలుగు హీరోకు దక్కని క్రేజ్‌ను విజయ్ దేవరకొండ దక్కించుకొన్నాడు. తమిళ, కన్నడ, మలయాళ భాషల్లో ఈ సినిమాపై భారీ క్రేజ్ ఏర్పడింది.

ఫీల్‌గుడ్‌గా సంగీతం

డియర్ కామ్రేడ్ సినిమాకు తమిళ మ్యూజిక్ దర్శకుడు జస్టిన్ ప్రభాకరన్ మ్యూజిక్ అందించాడు. ఇప్పటికే మ్యూజిక్ మంచి రెస్పాన్స్ వచ్చింది. దక్షిణాది అన్ని భాషల్లో పాటలు ట్రెండింగ్‌గా, క్రేజీగా మారాయి. ప్రతీ పాట దేనికదే విలక్షణ శైలిని కలిగి ఉన్నది. బ్యాక్ గ్రౌండ్ మ్యూజిక్ కూడా ట్రైలర్, టీజర్లలో సత్తా చాటింది.

భరత్ కమ్మ దర్శకత్వంలో

డియర్ కామ్రేడ్ చిత్రం యూత్ ఫుల్ ఎంటర్‌టైనర్‌గా రూపొందిందనే మాట వినిపిస్తున్నది. స్టూడెంట్ పాలిటిక్స్, లవ్, ఎమోషన్, అన్నీ అంశాలు కూడా సినిమాను మరింత ఆకర్షణీయంగా మార్చడానికి అవకాశాలు ఉన్నాయి అని సినీ వర్గాలు వెల్లడిస్తున్నాయి. భరత్ కమ్మ రచన, విజన్ ఈ సినిమాకు ఓ ఎసెట్‌గా చెబుతున్నారు. రష్మిక ఫెర్ఫార్మెన్స్ హైలెట్‌గా ఉండబోతుందనే మాట వినిపిస్తున్నది.