అందుకే దీపిక పడ్కోని తెలుగులో..

దీపికా పడుకోని తెలుగులో లవ్ ఫర్ ఎవర్ అనే చిత్రంలో ఓ సాంగ్ చేస్తోందన్న సంగతి తెలిసిందే. అయితే ఏ తెలుగు చిత్రానికి డేట్స్ ఇవ్వని ఆమె ఇలా హఠాత్తుగా ఓ సినిమాకి కమిట్ అవటం అందరినీ అశ్చర్యంలో పడేసింది. అయితే దానికి కారణం ఆమే చెప్పుకొచ్చింది. నా దగ్గరకు వచ్చి దర్సకుడు జయంత్ ఆ సాంగ్ వినిపించారు. ఆ పాట, కాన్సెప్ట్ నన్ను చాలా బాగా ప్రేరేపించాయి. ఆ సినినాలో పెద్ద స్టార్స్ ఎవరూ లేరు...అంతా కొత్త వాళ్ళే. అందుకే నేను మొదట ఈ ప్రపోజల్ కి సమ్మతించాను. ఎందుకంటే నేనూ ఒకప్పుడు కొత్త దాన్నే. ఆ పొజీషన్లో ఉన్నదాన్నే..అందుకే వారిని ఎంకరేజ్ చేయాలనిపించింది. అంతకుమించి మరేమీలేదు. నేను నా హిందీ సినిమాలతో పూర్తి స్ధాయి బిజీలో ఉన్నాను. నేను ఈ సినిమా విజయానికి కాస్త సహాయం చేయగలిగినా సంతోషిస్తాను అంది. ఎదిగినా ఒదిగినట్లుండే ఆమె న్యాచుర్ ని, మాటలను, ఇప్పుడంతా మెచ్చుకుంటున్నారు. ఇక జయంత్ ఆమెకు యాడ్ ఫిలిమ్స్ డైరక్టర్ గా గతంలోనే పరిచయం అని తెలుస్తోంది.