స్మోకింగ్ నిర్మాతలకు శుభవార్త

By Staff

Published: Friday, January 23, 2009, 17:45 [IST]

సినిమాల్లో ధూమపాన దృశ్యాలు నిషేధించాలంటూ కేంద్ర ప్రభుత్వం జారీ చేసిన ఉత్వర్వులను డిల్లీ హై కోర్టు ఈ రోజు (శుక్రవారం) కొట్టివేసింది. ఆ ఉత్వర్వులు ఫిల్మ్ మేకర్స్ ప్రాధమిక హక్కులను భంగం కలిగించేటట్లుగా ఉన్నట్లు ధర్మాసనం భావించింది. అలాగే దీని నిమిత్తం కేంద్రం జారీ చేసిన ఉత్తర్వులు చెల్లవని కూడా హైకోర్టు ధర్మాసనం తన తీర్పులో పేర్కొన్నది. అంతేగాక సినిమాల్లో ధూమపాన దృశ్యాలు తొలగించమని ఆదేశించడం ప్రజల వినోద, పౌర హక్కులను హరించడమేనని ధర్మాసనం అభిప్రాయపడింది. ఈ సంచలన తీర్పును జస్టిస్ సంజయ్ కృష్ణ కౌల్ ఈ రోజు వెలువరించారు.

యూనియన్ మినిస్ట్రి ఆఫ్ హెల్త్ అండ్ ఫ్యామిలీ వెల్పేర్ వారు మే 2005లో ఈ ప్రపోజల్ తో బ్యాన్ పెట్టారు.దీనిని ప్రముఖ బాలీవుడ్ నిర్మాత, దర్శకుడు మహేష్ భట్ ఛాలెంజ్ చేస్తూ సెప్టెంబర్ 2005 లో కోర్టుకి వెళ్ళారు. ఇక బహిరంగంగా పొగ తాగడంపై కేంద్రం విధించిన నిషేధంపై హైకోర్టు స్పందించ లేదు. పిల్‌లో పిటిషనర్‌ కోరినట్లు సినిమాల్లో ధూమపాన దృశ్యాల తొలగింపుపై మాత్రమే తుది తీర్పు వెలువరించింది. ఇది చాలా మంది సినీ దర్శక,నిర్మాతలను సంతోషపరిచే అంశం. ఇలా వరసగా నిషేధాలు పెట్టుకుంటూ పోతే నిజ జీవితాన్ని తెరపై ప్రతిబింబించలేమంటూ అభిప్రాయపడ్డ దర్శక, నిర్మాతలంతా ఆనందపడుతున్నారు.

More from Filmibeat