నా కొడుకు ఎఫైర్ నిజమే

By Staff

Published: Monday, April 27, 2009, 17:20 [IST]

తన కొడుకు డేటింగ్ కరెక్టే నంటోంది దేవ్ పటేల్ తల్లి అనిత. స్లమ్ డాగ్ చిత్రంలో ప్రపంచవ్యాప్తంగా పాపులర్ అయిన ప్రైడా పింటో, దేవ్ పటేల్ చాలా కాలంగా డేటింగ్ చేస్తున్నారంటూ వస్తున్న వార్తలను వాళ్ళిద్దరూ కొట్టిపారేస్తూ వస్తున్నారు. అయితే ఫ్రైడా ఓ చిత్రంలో నటించటానికి ఇజ్రాయిల్ వెళితే..వెనకే దేవ్ పటేల్ వెళ్ళి కెమెరాకి దొరికిపోయారు. అయితే ఈ విషయంపై మాట్లాడటానికి ఇద్దరూ నిరాకరించారు. అయితే మీడియా వ్యక్తులు దేవ్ పటేల్ తల్లిని కలిసి విషయం ఏమిటి అని అడిగితే తడుముకోకుండా వాళ్ళిద్దరి మధ్యా చాలా కాలంగా ప్రేమ ఉందని, ఇద్దరికి సినిమాలంటే పిచ్చని చెప్పుకొచ్చింది. అలాగే తనకు ప్రైడా అంటే ఇష్టమని, ఆమె మంచి అందగత్తె అని పొగిడింది. పనిలో పనిగా నా కొడకు ఇజ్రాయిల్ వెళ్ళింది...ఆమెను చూడకుండా ఉండలేకే అని చెప్పుకొచ్చింది.

ఇక వీరిద్దరూ షూటింగ్ టైమ్ లో దగ్గరయితే..ఆ తర్వాత సినిమా హిట్టైన తర్వాత ప్రపంచం మొత్తం ప్రమోషన్ కోసం తిరిగారు. అప్పుడు ఒకరిని విడిచి మరొకరు ఉండలేని స్ధితికి వచ్చేసారు. ప్రస్తుతం దేవ్‌ తో డేటింగ్ చేస్తున్న పింటో తన మాజీ బాయ్‌ ఫ్రెండ్ రోహన్ అంటావోను వదిలేసినట్లు ఇటీవల మీడియాలో వార్తలొచ్చాయి. తాజాగా దేవ్, పింటోల మధ్య ఏదో వ్యవహారం సాగుతోందా? అని అమెరికాలోని ఓ రేడియో వ్యాఖ్యాత ర్యాన్ సీక్రెస్ట్ అడిగిన ప్రశ్నకు క్విజ్ మాస్టర్‌గా నటించిన అనిల్ కపూర్ సమాధానమిస్తూ.. నిజం చెప్పాలంటే..వీరిద్దరిని తాను కలుసుకున్నప్పుడు ఏదో ఉందనిపించిందని అన్నారు. కానీ వారు మాత్రం ఇద్దరి మధ్య అలాంటిదేమీ లేదంటూ దాటవేస్తున్నారు.

More from Filmibeat