శర్వానంద్ 'ప్రస్ధానం' నాలుగుపాటలు తొలిగింపు

By Srikanya

| Published: Tuesday, April 20, 2010, 8:10 [IST]

మొన్న శుక్రవారం రిలీజైన ప్రస్ధానం చిత్రంలో నాలుగు పాటలు తొలిగించాలని దర్శకుడు దేవకట్టా నిర్ణయించుకున్నారు. దాంతో ఇరవై నిముషాల సేపు ట్రిమ్మింగ్ జరిగినట్లు అవుతుంది. పాటలు కథనానికి అడ్డంగా మారినట్లు చూసిన వారు ఫీలవటంతో వాటిని తొలిగిస్తున్నామని చెప్తున్నారు. ఇక ఈ చిత్రంలో శర్వానంద్, సాయికుమార్ కీలకపాత్రలు చేసారు. వెన్నెల చిత్రం అనంతరం లాంగ్ గ్యాప్ తో దర్శకుడు దేవకట్టా ఈ చిత్రాన్ని రూపొందించారు. పొలిటికల్ డ్రామాగా ఈ చిత్రం సాగుతుంది. శర్వానంద్ ఎప్పటికన్నా మంచి నటన చూపాడని, సాయికుమార్ కెరీర్ లో ఓ ల్యాండ్ మార్క్ చిత్రంగా మారుతుందని అంతా చెప్తున్నారు. అలాగే ఈ చిత్రాన్ని రీసెంట్ గా కృష్ణవంశీ, క్రిష్(గమ్యం), ఛోటాకె నాయుడు, అల్లరి నరేష్, తనీష్ చూసి అభినందించారు. ఛోటా కె నాయుడు మేనల్లుడు సందీప్ ఈ చిత్రంలో శర్వానంద్ తమ్ముడుగా చేసి మెప్పించాడు.