శెభాష్ మహేష్.. రియల్ 'హీరో': మాటలు కాదు, చేతల్లో చేసి చూపిస్తున్నాడు..

నిజాయితీగా మహేష్..:

ఆంధ్రప్రదేశ్‌లో ఒక గ్రామాన్ని, తెలంగాణలో మరో గ్రామాన్ని మహేష్ బాబు దత్తత తీసుకున్న సంగతి తెలిసిందే. కేవలం ఆదర్శాల కోసమే ఈ ప్రకటనలు చేసి ఊరుకోలేదు మహేష్. ఈ రెండు గ్రామాల అభివృద్ది పట్ల చిత్తశుద్దితో, నిజాయితీతో వ్యవహరిస్తున్నారు.

'సిద్దాపురం'పై ఫోకస్:

ఆంధ్రప్రదేశ్‌లోని సూపర్ స్టార్ కృష్ణ సొంత ఊరైన బుర్రెపాలెంను దత్తత తీసుకున్న మహేష్ బాబు.. ఇప్పటికే ఆ గ్రామాన్ని చాలావరకు అభివృద్ది చేశారు. ఇక రెండో దత్తత గ్రామమైన మహబూబ్ నగర్ లోని సిద్ధాపురం గ్రామ అభివృద్దిపై మహేష్ ప్రస్తుతం ఫోకస్ చేశారు.

నమ్రత పర్యవేక్షణ..:

కొత్తూరు మండలంలోని సిద్ధాపురం గ్రామ అభివృద్ది పనులను మహేష్ బాబు భార్య నమత్రా దగ్గరుండి పర్యవేక్షిస్తున్నారు. అభివృద్ది పనుల్లో భాగంగా ప్రస్తుతం సిద్దాపురంలో స్కూల్ భవనాన్ని నిర్మిస్తున్నారు.

ఫోటోల హల్ చల్:

గ్రామ అవసరాల మేరకు ఒక దాని తర్వాత ఒకటి పూర్తి చేసుకుంటూ వెళ్తున్నారు. స్కూల్ భవనం పూర్తయ్యాక మరో భారీ నిర్మాణాన్ని చేపట్టనున్నట్లు తెలుస్తోంది. స్కూల్ భవన నిర్మాణానికి సంబంధించిన ఫోటోలు ప్రస్తుతం నెట్‌లో హల్ చల్ చేస్తున్నాయి.

పబ్లిసిటీకి దూరంగా:

ఈరోజుల్లో చిన్న చిన్న పనులకే భారీ పబ్లిసిటీ కోరుకునేవాళ్లు చాలామంది ఉన్నారు. అలాంటిది మహేష్ బాబు ఓ ఊరి కోసం ఇంతలా చేస్తున్నా.. పబ్లిసిటీకి దూరంగా ఉంటున్నారు. దీంతో మహేష్ నిజాయితీని చాలామంది అభినందిస్తున్నారు.