నాగచైతన్య 'దడ' చిత్రం విడుదల వాయిదా

నాగచైతన్య తాజా చిత్రం దడ ఫస్ట్ లుక్ ట్రైలర్స్ విడుదలై మంచి క్రేజ్ తెచ్చుకున్న సంగతి తెలిసిందే. అలాగే ఆ చిత్రాన్ని ఆగస్టు 12వ తేదీన విడుదల చేయాలని దర్శక, నిర్మాతలు భావించారు. అయితే ఇప్పుడు దాన్ని ఆగస్టు 25వ తేదీకి వాయిదా వేసారు. కాజల్ హీరోయిన్ గా చేస్తున్న ఈ చిత్రం ద్వారా అజయ్ భుయాన్ దర్శకుడుగా పరిచయం అవుతున్నాడు. దేవిశ్రీ ప్రసాద్ సంగీతం అందిస్తున్న ఈ చిత్రం షూటింగ్ ఎక్కువ భాగం అమెరికాలోనూ, బ్యాంకాక్ లోనూ జరిగింది. లవ్ తో కలిసిన యాక్షన్ ఎంటర్టైనర్ గా ఈ చిత్రం రూపొందిస్తున్నారు. ఇక మరో ప్రక్క నాగచైతన్య బెజవాడ రౌడీలు చిత్రం షూటింగ్ లో బిజీగా ఉన్నారు.