హోమ్

న్యూస్

ధనుష్, శృతి హాసన్ జంటగా నటించిన తమిళ చిత్రం 'త్రీ'(కొలవెరి ఉప శీర్షిక) తెలుగు అనువాదపు హక్కులను నిర్మాత నట్టి కుమార్ కొనుగులో చేశారు. రజనీకాంత్ పెద్ద కూతురు ఐశ్వర్య దర్శకత్వం వహించిన ఈ చిత్రాన్ని ధనుష్ తండ్రి కస్తూరి రాజా తమిళంలో నిర్మించారు.

ఈ సందర్భంగా నట్టి కుమార్ మాట్లాడుతూ.... నా మీద నమ్మకంతో తెలుగు అనువాదపు హక్కులను ఇచ్చినందుకు ఆనందంగా ఉంది. ఈ నెల 20న తెలుగు, తమిళ చిత్రరంగ ప్రముఖుల సమక్షంలో హైదరాబాద్‌లో భారీగా ఆడియోను విడుదల చేసేందుకు సన్నాహాలు చేస్తున్నాము. ఈ కార్యక్రమంలో బాగా పాపులర్ అయిన'కొలవెరి' పాటను హీరో ధనుష్ స్వయంగా వేదికపై పాటను పాడతారు. ఈ పాట తమిళంలోనే కాదు తెలుగులో కూడా ఎంతో మందిని ఆకట్టుకుంది. ధనుష్ అందించిన సాహిత్యం, అతని గాత్రం ఈ పాటను బాగా సూటయ్యాడు. కొలవెరి పాట సినిమా అంచనాలను పెంచింది. యువతను, ఫ్యామిలీని మెప్పించే విధంగా సినిమా అవుతుంది. రజనీకాంత్ కుటుంబ సభ్యులతో పాటు ఇతర ప్రముఖులు ఆడియో వేడుకలో పాల్గొంటారు. ఈ నెల 30న చిత్రం తెలుగు, తమిళంలో ఒకే సారి సినిమా విడుదలవుతుందని తెలిపారు.