విడాకుల తర్వాత తొలిసారి కలిసిన ధనుష్​-ఐశ్వర్య.. నవ్వుతూ ఫొటో.. మళ్లీ కలిసిపోయారా?

పోస్ట్​తో షాక్​..

18 ఏళ్లపాటు వివాహ బంధంతో కలిసి ఉన్న ధనుష్​-ఐశ్వర్య అనూహ్యంగా జనవరి 18, 2022న విడిపోతున్నట్లు ప్రకటించి అభిమానులే కాకుండా, సినీ ప్రేక్షకులు షాక్​కు గురయ్యేలా చేశారు. 'భార్యాభర్తలుగా, స్నేహితులుగా, తల్లిదండ్రులుగా, శ్రేయోభిలాషులుగా కలిసి జీవించిన మేము విడిపోవాలని నిర్ణయించుకున్నాం' అని పోస్ట్​ పెట్టి ఆశ్చర్యపరిచారు.

ఒక్కటవుతారని..

ఈ వార్తతో సూపర్​ స్టార్​ రజనీ కాంత్, ధనుష్​ ఫ్యాన్స్​ తీవ్రంగా బాధపడ్డారు. అయితే ధనుష్​ తండ్రి వారిద్దరూ మళ్లీ కలుస్తారని, రజనీకాంత్​ మాట్లాడి వాళ్లను తిరిగి ఒక్కటి చేస్తారని చెప్పుకొచ్చారు. దీంతో వాళ్లిద్దరు ఎప్పటికైనా కలవకపోతారా? అని ఎంతో ఎదురుచూశారు.

ధనుష్​ పేరు తొలగించి..

కానీ, అలా జరగలేదు. ఇంకా తన సోషల్​ మీడియా అకౌంట్​లలో తన పేరు చివరన ఉన్న ధనుష్​ పేరు తొలగించి రజనీకాంత్​ పేరును చేర్చి ఐశ్వర్య ఇంకా షాక్​ ఇచ్చింది. విడిపోయినట్లు ప్రకటించినప్పటి నుంచి మళ్లీ వాళ్లిద్దరు కలిసిన దాఖలాలు లేవు.

హాజరవ్వని ఐశ్వర్య..

ఒకసారి మాత్రం తన ఇద్దరు కుమారులను వెంట వేసుకుని ధనుష్ ఓసారి మ్యూజిక్​ మ్యాస్ట్రో ఇళయరాజా సంగీత కచేరికి వెళ్లాడు. కానీ, అప్పుడు వారి వెంట ఐశ్వర్య రజనీకాంత్​ లేదు. అయితే తాజాగా, తొలిసారిగా విడిపోయిన తర్వాత ధనుష్​-ఐశ్వర్య కలిసి కనిపించారు.

ధనుష్​-ఐశ్వర్య కలిసి హాజరు..

ధనుష్​-ఐశ్వర్యల పెద్ద కుమారుడు యాత్ర స్కూల్​లో జరిగిన ఓ కార్యక్రమానికి ఈ మాజీ దంపతులు ఇద్దరు హాజరయ్యారు. 'ఈ రోజు చాలా బాగా ప్రారంభమైంది. నా పెద్ద కొడుకు స్పోర్ట్స్​ కెప్టెన్​గా సెలెక్ట్​ అయ్యాడు' అని సోమవారం అంటే ఆగస్టు 22న తన సోషల్​ మీడియా అకౌంట్​లో ఒక పోస్ట్ పెట్టింది ఐశ్వర్య.

నవ్వుతూ ధనుష్-ఐశ్వర్య..

ఈ పోస్ట్​లో ఫ్యామిలీ పిక్​ను కూడా తన ఇన్​స్టాగ్రామ్​ స్టోరీలో పెట్టింది. ఈ ఫొటోలో తమ పిల్లలతో ధనుష్, ఐశ్వర్య కలిసి కెమెరా వైపు చిరు నవ్వు చిందిస్తూ కనిపించడం ఆకట్టుకునేలా ఉంది. అతి కొద్ది సమయంలోనే ఈ ఫొటోలు నెట్టింట తెగ వైరల్​ అయ్యాయి.

మళ్లీ కలిసిపోయారా?..

ఈ పిక్​ చూసిన అభిమానులు ఉబ్బితబ్బిబ్బయిపోయి మళ్లీ వీళ్లిద్దరూ కలిసిపోయారా? అంటూ కామెంట్లు చేస్తున్నారు. ఇదిలా ఉంటే తెలుగు, తమిళ సినిమాలతో ఫుల్​ బిజీగా ఉన్నాడు ధనుష్​. ఇటీవలే తిరు సినిమాతో ప్రేక్షకులను పలకరించాడు. మరోపక్క బాలీవుడ్​లో అడుగుపెట్టనుంది ఐశ్వర్య రజనీకాంత్. ఓ సాథీ చల్​ అనే లవ్​ స్టోరీని డైరెక్ట్ చేయనుంది.